उत्तर प्रदेश सरकारमधील पूर नियंत्रण आणि महसूल राज्य मंत्री तसेच मुजफ्फरनगरचे चरथावल विधानसभा मतदारसंघाचे भाजपा आमदार विजय कश्यप यांचं मंगळवारी करोनामुळे निधन झालं. त्यांच्यावर गुरुग्राममधील मेदांता रुग्णालयामध्ये उपचार सुरु होते. विजय कश्यप हे ५२ वर्षांचे होते. उत्तर प्रदेशमध्ये करोनामुळे प्राण गमावलेले ते पाचवे आमदार आहेत. यापूर्वी भाजपाच्या चार आमदारांचा करोनामुळे मृत्यू झालाय. विजय कश्यप यांच्या निधनानंतर पंतप्रधान नरेंद्र मोदींनी दु:ख व्यक्त केलं आहे. "भाजापा नेते आणि उत्तर प्रदेश सरकारमध्ये मंत्री असणाऱ्या विजय कश्यप यांच्या निधनामुळे खूप दु:ख झालं आहे. ते सर्वासामान्यांशी जोडलेले नेते होते. त्यांनी कायम लोकांच्या हिताची काम केली. या दु:खद प्रसंगी माझ्या सद्भावना त्यांच्या नातेवाईक आणि समर्थकांसोबत आहेत. ओम शांति," असं ट्विट मोदींनी केलं आहे. भाजपा नेता और उत्तर प्रदेश सरकार में मंत्री विजय कश्यप जी के निधन से अत्यंत दुख हुआ है। वे जमीन से जुड़े नेता थे और सदा जनहित के कार्यों में समर्पित रहे। शोक की इस घड़ी में उनके परिजनों और प्रशंसकों के प्रति मेरी संवेदनाएं। ओम शांति! — Narendra Modi (@narendramodi) May 18, 2021 उत्तर प्रदेशचे मुख्यमंत्री योगी आदित्यनाथ यांनी विजय कश्यप यांच्या निधनानंतर ट्विटरवरुन त्यांना श्रद्धांजली अर्पण केलीय. "विजय कश्यप एक लोकप्रिय नेते होते. उत्तर प्रदेश सरकारचे मंत्री म्हणून त्यांनी आपली कर्तव्य कायमच कौशल्यपूर्वक पद्धतीने पार पाडली. कश्यप यांच्या निधनामुळे जनतेने त्यांचं हीत जपणारा एक नेताम गमावाला आहे," असं योगी म्हणाले. मुख्यमंत्र्यांनी कश्यप यांच्या आत्म्याला शांती मिळो असं म्हणत आपल्या सद्भावना कश्यप यांच्या नातेवाईकांसोबत असल्याचं सांगितलं. उत्तर प्रदेश सरकार में मेरे सहयोगी तथा राजस्व व बाढ़ नियंत्रण राज्यमंत्री श्री विजय कश्यप जी का निधन अत्यंत दुःखद है। प्रभु श्री राम से प्रार्थना है कि दिवंगत आत्मा को अपने परम धाम में स्थान व शोकाकुल परिजनों को यह दुःख सहन करने की शक्ति प्रदान करें। ॐ शांति — Yogi Adityanath (@myogiadityanath) May 18, 2021 राज्याचे उपमुख्यमंत्री केशव प्रसाद मौर्य यांनी ट्विटरवरुन, "मुजफ्फरनगरमधील चरथावलचे लोकप्रिय आमदार आणि उत्तर प्रदेश सरकारमधील राज्यमंत्री विजय कश्यप यांच्या निधनामुळे मी खूप दु:खी झालोय. समाजसेवेसाठी कायमच तत्पर असणाऱ्या अशा नेत्याच्या निधनामुळे पक्षाची आणि राज्याची कधीही न भरुन येणारी हानी झालीय," असं म्हटलं आहे. मुजफ्फरनगर के चरथावल से लोकप्रिय विधायक एवं प्रदेश सरकार में मा0 राज्य मंत्री श्री विजय कश्यप जी के निधन से अत्यंत दुःखी हूँ। समाज सेवा के लिए सदैव समर्पित रहने वाले नेता का निधन पार्टी व प्रदेश के लिए अपूरणीय क्षति है। pic.twitter.com/kEOme893Va — Keshav Prasad Maurya (@kpmaurya1) May 18, 2021 विजय कश्यप हे भाजपाच्या तिकीटावर सन २००७ आणि २०१२ मध्ये चरथावल विधानसभा मतदारसंघामधून निवडणूक लढले होते. मात्र २०१७ साली ते भाजपाच्या तिकीटावर लढून पहिल्यांदा निवडून आले. २०१९ साली ऑगस्ट महिन्यात मंत्रीमंडळ विस्तार झाला तेव्हा विजय कश्यप यांचा मंत्रीमंडळामध्ये समावेश करण्यात आला होता. यापूर्वी झालाय चार आमदारांचा मृत्यू यापूर्वी रायबरेलीमधील सलोन विधानसभेचे भाजपा आमदार आणि माजी मंत्री दल बहादूर कोरी, ओरैया विधानसभेचे भाजपा आमदार रमेश दिवाकर, लखनौ पश्चिम विधानसभेचे सुरेश श्रीवास्तव, बरेलीच्या नवाबगंजमधील आमदार केसर सिंह गंगवार यांचं करोनामुळे निधन झाले आहे. केसर सिंह गंगवार यांच्या निधनानंतर त्यांच्या मुलाने फेसबुकवरून मोदी आणि योगी सरकारवर निशाणा साधला होता.
