शहरातील कोणत्याही पेट्रोल पंपांवरुन तुम्ही वाहनात इंधन भरल्यानंतर निश्चिंत होत असाल तर ही बातमी तुमच्यासाठी आहे. कारण, उत्तर प्रदेशातील काही पेट्रोल पंपांवर बनावट पेट्रोल आणि डिझेलची विक्री होत असल्याचे समोर आले आहे. उत्तर प्रदेशातील मेरठ येथे तेल माफिया आणि पोलिसांच्या संगनमताने हा प्रकार खुलेआम सुरु होता. याप्रकरणी पोलिसांनी १० जणांना ताब्यात घेतले आहे. गेल्या १० वर्षांपासून हा प्रकार सुरु होता.

पोलिसांच्या माहितीनुसार, पर्दाफाश करण्यात आलेल्या टोळीकडून थिनर, सॉल्वंट आणि रंग यांचा वापर करुन केवळ प्रतिलिटर ३८ रुपयांत असे बनावट पेट्रोल आणि डिझेल तयार केले जात होते. हे बनावट इंधन तेल माफिया मेरठ शहरातील अनेक पेट्रोलपंपांवर आणि दुकांनामध्ये विक्रीसाठी उपलब्ध करुन देत होते. मोठ्या टँकर्समधून इथे तयार झालेले बनावट पेट्रोल-डिझेलचा पुरवठा होत होता. धक्कादायक बाब म्हणजे तेल माफियांना ताब्यात घेतल्यानंतर त्यांनी स्थानिक पोलिसांचीही साथ असल्याचा खळबळजनक खुलासा केला आहे.

PMC pune municipal corporation
रस्त्यावर फेकलेल्या कचऱ्यातून पत्ते शोधून दंडाची वसुली; मोटारीतून कचरा फेकणाऱ्यांचा पाठलाग करून महापालिकेच्या अधिकाऱ्यांकडून कारवाई
mumbai ban on slum demolition marathi news, slums mumbai marathi news
झोपडपट्टी पुनर्विकासात परवानगीविना अतिरिक्त झोपड्या तोडण्यावर बंदी, नव्या परिपत्रकामुळे झोपडीवासीयांना दिलासा
Pune pubs
पुण्यात आता मध्यरात्री दीडपर्यंत ‘चिअर्स’… पब, मद्यालयांबाबत पोलीस आयुक्तांचा मोठा निर्णय
Danger from electric wires on footpaths Inexcusable negligence of the Municipal Corporation after entrusting the work to the contractors navi Mumbai
पदपथांवरील विद्युत तारांमुळे धोका; कंत्राटदारांकडे काम सोपवल्यावर महापालिकेचे अक्षम्य दुर्लक्ष

राजीव जैन आणि प्रदीप गुप्ता या दोन तेल माफियांकडे केमिकल आणि थिनरचे परवाने आहेत. याचा गैरवापर करुन हे दोघे बनावट पेट्रोल आणि डिझेल तयार करीत होते. गेल्या दहा वर्षांपासून या तेल माफियांचा हा काळा धंदा सुरु होता. प्रदीप गुप्ताने परतापूरच्या डुंगरावली गावातील औद्योगिक वसाहतीत गणपती पेट्रो नावाने कारखाना सुरु होता. तर राजीव जैन याने वेदव्यासपुरी येथे पारस केमिकल नावाने कारखाना सुरु केला होता. या दोघांची परतापूर आणि टीपीनगर पोलिसांशी लागेबंधे आहेत.

या दोघांचा हा धंदा इतका पसरला होता की दररोज पाच-सहा टँकरभरुन पेट्रोल-डिझेलचा पुरवठा केला जात होता. ज्या नामांकित पेट्रोल पंपांवर हे बनावट पेट्रोल पाठवले जात होते यामध्ये भारत पेट्रोलिअम, हिंदुस्तान पेट्रोलिअम आणि इंडिअन ऑईल सारख्या पंपांचा समावेश असल्याचे अमर उजालाने दिलेल्या वृत्तात म्हटले आहे.

रंग टाकताच तयार व्हायचे बनावट पेट्रोल-डिझेल

२० लिटर थिनरमध्ये केमिकल मिसळल्यानंतर या मिश्रणात ५० ग्रॅम रंग टाकल्यास पेट्रोल तयार होत होते. आरोपींनी छापेमारीवेळी पोलिसांना बनावट पेट्रोल बनवण्याचे प्रात्यक्षिकही करुन दाखवले. अशा प्रकारे एक टँकर इंधन बनवायला १० ते १५ मिनिटांचा वेळ लागतो. यानंतर हे बनावट पेट्रोल-डिझेल विविध पंपांवर पाठवले जात होते.