27 September 2020

News Flash

युपीएनं रिलायन्सला १ लाख कोटींची कंत्राटं दिली; अनिल अंबानींचा राहुल गांधींवर पलटवार

त्यावेळी काँग्रेस सरकार बेईमान उद्योगपतीच्या सोबत होती का? असा सवालही विचारण्यात आला आहे.

अनिल अंबानींवर क्रोनी कॅपिटलिस्ट असल्याचा राहुल गांधींकडून सातत्याने होत असलेल्या आरोपांना अखेर अनिल अंबानींनी आपल्या रिलायन्स ग्रुपच्यामार्फत रविवारी उत्तर दिले. रिलायन्स ग्रुपने एक पत्रक काढून म्हटले की, युपीएच्या कार्यकाळात अनिल अंबानींच्या रिलायन्स ग्रुपला १ लाख कोटी रुपयांची कंत्राट देण्यात आली होती. त्यावेळी काँग्रेस सरकार बेईमान उद्योगपतीच्या सोबत होती का? असा सवालही विचारण्यात आला आहे.

रिलायन्स ग्रुपने म्हटले की, काँग्रेस अध्यक्ष राहुल गांधींच्या दाव्यांना कुठलाही आधार नाही. त्याचबरोबर त्यांनी अनिल अंबानींबाबत आरोपांचे कुठलेही पुरावे सादर केलेले नाहीत. राहुल गांधींनी नुकतेच माध्यमांशी बोलताना अनिल अंबानींचा उल्लेख क्रोनी कॅपिटॅलिस्ट आणि बेईमान व्यावसायिक असा केला होता. मात्र, हा आरोप खोटा असल्याचे सांगताना राहुल गांधी खोटा आणि बदनामी करणारे अभियान चालवत असल्याचा आरोप करण्यात आला आहे.

युपीए सरकारने २००४-२०१४ या काळात अनिल अंबानींच्या नेतृत्वातील रिलायन्स ग्रुपला पॉवर, टेलिकॉम, रस्ते, मेट्रो अशा पायाभूत सुविधांच्या क्षेत्रात १ लाख कोटी रुपयांची कंत्राट दिली होती. त्यामुळे राहुल गांधींनी हे सांगावं की त्यांच्या सरकारने १० वर्षांच्या काळात एका कथीत क्रोनी कॅपिटॅलिस्ट आणि बेईमान व्यावसायिकाला समर्थन देत होते का? असा सवालही रिलायन्स ग्रुपने केला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 5, 2019 8:46 pm

Web Title: upa had given rs 1 lakh crore contract to reliance anil ambanis stroke on rahul gandhi
Next Stories
1 मनमोहन सिंगांना खुर्चीची चिंता होती देशाची नाही; पंतप्रधान मोदींचा हल्लाबोल
2 Fani Cyclone : मोदींचा फोन घेणं ममतांनी टाळलं?; मुख्यमंत्री दौऱ्यावर असल्याचं पीएमओला उत्तर
3 CBSE 10th Result 2019 : ‘निकालाची तारीख लवकर जाहीर करू, अफवांवर विश्वास ठेवू नका’
Just Now!
X