अमेरिकन एअर फोर्सच्या एफ-१५ सी फायटर विमानाला सोमवारी अपघात झाला. पूर्व इंग्लंडमधील ब्रिटिश रॉयल एअर फोर्सच्या बेसवरुन एफ-१५ सी विमानाने नियमित सरावासाठी उड्डाण केले होते. उड्डाणानंतर काही वेळातच हे विमान उत्तर समुद्रात कोसळले. अमेरिकन हवाई दलाची जगातील शक्तीशाली एअर फोर्समध्ये गणना होते. त्यांच्याकडे एकाहून एक सरस फायटर विमानं आहेत. "सकाळी ९.४० च्या सुमारास एफ-१५ सी इगल विमान उत्तर समुद्रात कोसळले" अशी माहिती यूएस एअर फोर्सचे कॅप्टन मिरांडा टी सिमॉन्स यांनी दिली. अपघाताचे कारण आणि वैमानिकाबद्दल अजून काहीही माहिती मिळू शकलेली नाही. एएफपीने हे वृत्त दिले आहे. ब्रिटिश एअर फोर्सकडून अपघातग्रस्त विमानाचा शोध सुरु झाला आहे.सफोकमधील मिल्डनहॉल जवळच्या लेकनहीथ एअरबेसवरुन एफ-१५ फाटयर विमानाने उड्डाण केले होते. पूर्व यॉर्क शायरच्या किनारपट्टीपासून १३७ किलोमीटर अंतरावर हे विमान कोसळले असे बीबीसीने म्हटले आहे.
