News Flash

पराभवानंतरही ट्रम्प यांनी व्हाईट हाऊस सोडलं नाही तर काय होणार?

ट्रम्प यांनी मतदानामध्ये घोटाळा झाल्याचा आरोप केलाय

अमेरिकेच्या राष्ट्राध्यक्षपदाची निवडणूक खूपच चुरसीची झाली आहे. डेमोक्रॅटिक पक्षाचे उमेदवार जो बायडेन आणि सध्याचे राष्ट्राध्यक्ष डोनाल्ड ट्रम्प यांच्यामध्ये काँटे की टक्कर पहायला मिळत आहे. मात्र बायडेन यांचा या निवडणुकीमध्ये विजय होणार असं निश्चित मानलं जात आहे. मात्र ट्रम्प यांनी आपण ही निवडणूक जिंकणार आहोत असं सांगतानाच मतमोजणीमध्ये होणाऱ्या फसवणुकीविरोधात सर्वोच्च न्यायालयामध्ये जाणार असल्याचे म्हटले आहे. तर दुसरीकडे बायडेन यांनी आपणच जिंकणार असा विश्वास व्यक्त केला आहे. ट्रम्प यांनी मतमोजणीदरम्यान ज्या पद्धतीने भूमिका घेतली आहे त्यावरुन ते सहजासहजी व्हाइट हाऊस सोडण्याच्या तयारीत नसल्याचे चित्र दिसत आहे.

ट्रम्प यांची सध्याची भूमिका आणि मतमोजणीचा कल पाहून बायडेन यांच्या विजयानंतरही ट्रम्प यांनी व्हाइट हाऊस सोडण्यास नकार दिला तर काय होणार?, या प्रश्नासंदर्भात आता जगभरातील राजकीय वर्तुळांमध्ये चर्चा होऊ लागली आहे. एखादा तत्कालीन राष्ट्राध्क्षाने दुसऱ्यांना निवडणूक लढवली आणि त्यामध्ये त्याचा पराभव झाल्यानंतर त्याने व्हाइट हाऊस सोडण्यास नकार दिला तर नवनिर्वाचित राष्ट्राध्यक्ष आणि सीक्रेट सर्व्हिसची भूमिका महत्वाची ठरते. राष्ट्राध्यक्ष पदाच्या निवडणुकीमध्ये पराभव झाल्यानंतर राष्ट्राध्यक्षांनी किंवा त्यांच्या कुटुंबियांनी व्हाइट हाऊस सोडण्यास नकार दिल्यास नवनिर्वाचित राष्ट्राध्यक्ष सीक्रेट सर्व्हिसला या व्यक्तींना बाहेर काढण्यासंदर्भातील निर्देश देण्याचे अधिकार असतात.

 

नक्की पाहा >> पगार, भत्ते, घर, गाड्या, विमान अन्… अमेरिकन राष्ट्राध्यक्षांना मिळणाऱ्या सुविधा पाहून चक्रावून जाल

राष्ट्राध्यक्ष पदाची निवडणूक हारल्यानंतरही आपले पद तसेच सरकारी निवासस्थान असणारे व्हाइट हाऊस सोडण्यास एकाद्या व्यक्तीने नकार दिल्यास काय करावे याबद्दल अमेरिकेच्या संविधानामध्ये काहीच उल्लेख नाहीय. इंडिपेंडेंट या वेबसाईटने दिलेल्या वृत्तानुसार पराभव झाल्यानंतरही पदावरुन हटण्यास एखादी व्यक्ती तयार नसल्यास तिला त्या पदावरुन कसे पायउतार करावे याबद्दल अमेरिकेच्या संविधानामध्ये कोणताही उल्लेख नाहीय.

ट्रम्प यांची सध्याची भूमिका पाहून बायडेन यांनी आतापासूनच आपल्या वकीलांचा आणि संविधानातील कायदेपंडितांशी सल्लामसलत सुरु केली आहे. ज्यापद्धतीने ट्रम्प यांनी मतमोजणीच्या पहिल्याच दिवशी थेट सर्वोच्च न्यायालयात जाण्याबद्दल भाष्य केलं आहे त्यावरुन अडचण निर्माण होण्याची शंका बायडेन यांनाही आहे. ट्रम्प यांनी ईमेलच्या माध्मयातून मतदानामध्ये गैरप्रकार झाल्याचा आरोप केला आहे. पत्रांच्या माध्यमातून करण्यात आलेल्या मतदानाबद्दल ट्रम्प यांनी शंका उपस्थित केली आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 5, 2020 4:59 pm

Web Title: us election results 2020 what could happen if an ex president refuses to leave the white house scsg 91
Next Stories
1 कलम ३७० : …म्हणून बायडेन यांचा विजय वाढवू शकतो भारताची चिंता
2 US Election 2020: मराठमोळ्या ‘ठाणेदारा’चा अमेरिकेत डंका; ९३ टक्के मतांसह विरोधकांचा धुव्वा उडवत आमदारपदी
3 बायडेन राष्ट्राध्यक्ष पाकिस्तानात ‘दिवाळी’; असा होणार फायदा
Just Now!
X