अमेरिकेच्या कॅलिफोर्नियामध्ये बेकर्सफील्ड कंपनीजवळ एका अज्ञात हल्लेखोराने केलेल्या गोळीबारात 5 जणांचा मृत्यू झाला आहे. पाच जणांना ठार केल्यानंतर या हल्लेखोराने स्वतःवरही गोळीबार केला. पोलिसांनी दिलेल्या माहितीनुसार, त्या अज्ञात व्यक्तीने स्वतःच्या पत्नीलाही गोळ्या घालून ठार केलं. Authorities say gunman kills five people, self in Bakersfield, California (USA), reports The Associated Press— ANI (@ANI) September 13, 2018 मिळालेल्या प्राथमिक माहितीनुसार, स्थानीक वेळेनुसार बुधवारी संध्याकाळी 5.20 वाजता एक व्यक्ती आपल्या पत्नीसोबत बिअर माउंटन स्पोर्ट्सजवळ आला. त्या ठिकाणी ट्रकचा व्यवसाय होतो. पत्नीला ठार करण्याआधी हल्लेखोराने तेथे उपस्थित एका व्यक्तीला गोळी मारली. ही घटना जवळील अन्य एका व्यक्तीने पाहिली, त्यानंतर हल्लेखोराने त्या व्यक्तीलाही ठार केलं. तीन जणांना ठार केल्यानंतर हल्लेखोर तेथून पळाला. घटनास्थळावरुन पळ काढताना त्याने अन्य दोन व्यक्तींवरही गोळीबार केला. मात्र, रस्त्यात त्याला पोलिसांनी घेरलं. त्यानंतर त्याने स्वतःवर गोळीबार केला. अद्याप हल्लेखोराची ओळख पटलेली नसून इतर मृत त्याच्या ओळखीचे होते की नाही याबाबतही तपास सुरू आहे.
