अमेरिका, भारत आणि जगभरात गणेशोत्सव साजरा करणाऱ्या गणेश भक्तांना अमेरिकेचे राष्ट्राध्यक्षपदाचे उमेदवार जो बिडेन यांनी गणेश चतुर्थीच्या शुभेच्छा दिल्या आहेत. जो बिडेन हे डेमोक्रॅटिक पक्षाचे राष्ट्राध्यक्षपदाचे उमेदवार आहेत. उपराष्ट्राध्यक्षपदाच्या उमेदवार म्हणून जो बिडेन यांनी भारतीय वंशाच्या कमला हॅरिस यांची निवड केली आहे. अमेरिकेत या वर्षाच्या अखेरीस राष्ट्राध्यक्षपदाची निवडणूक होणार आहे. विद्यमान राष्ट्राध्यक्ष डोनाल्ड ट्रम्प यांच्याबरोबर जो बिडेन यांची लढत असणार आहे. To everyone celebrating the Hindu festival of Ganesh Chaturthi in the U.S., India, and around the world, may you overcome all obstacles, be blessed with wisdom, and find a path toward new beginnings. — Joe Biden (@JoeBiden) August 22, 2020 "अमेरिका, भारत आणि जगभरात हिंदू उत्सव गणेश चतुर्थी साजरी करणाऱ्या प्रत्येकाल सर्व अडथळयांवर मात करता येऊ दे, नव्या सुरुवातीकडे जाणारा मार्ग मिळूं दे, अशा शब्दात बिडेन यांनी गणेश चतुर्थीच्या शुभेच्छा दिल्या आहेत. तत्कालिन राष्ट्राध्यक्ष बराक ओबामा यांच्या कार्यकाळात बिडेन यांनी उपराष्ट्राध्यक्षपदही भूषवले आहे.