News Flash

सहा मुस्लिमबहूल देशांमधील नागरिकांना ‘या’ अटींवरच मिळणार अमेरिकेचा व्हिसा

सीरिया, लिबिया, इराण, सोमालिया, सुदान आणि येमेनसाठी नवीन व्हिसा धोरण

अमेरिकेने सहा मुस्लिमबहूल राष्ट्रांमधील निर्वासितांसाठी आता नवीन व्हिसा धोरण जाहीर केले आहे. अमेरिकेशी जवळचे कौटुंबिक आणि व्यापारी संबंध असल्यावरच अमेरिकेचा व्हिसा मिळेल असे ट्रम्प प्रशासनाने जाहीर केले आहे. अमेरिकेतील सर्वोच्च न्यायालयाने राष्ट्राध्यक्ष डोनाल्ड ट्रम्प यांनी ६ मुस्लिम राष्ट्रांवर घातलेली बंदी अंशत: लागू करण्याची परवानगी दिली असतानाच प्रशासनाने नवीन धोरण जाहीर केले आहे.

बुधवारी ट्रम्प प्रशासनाने व्हिसासाठीची नवी नियमावली दुतावासांना पाठवली आहे. यानुसार सहा प्रतिबंधित देशांमधील नागरिकांना व्हिसासाठी अर्ज करताना अमेरिकेत राहणारे पालक, पती, मुलगा, मोठी मुलगी किंवा मुलगा, जावई, सून किंवा भाऊ-बहिणींसोबतचे नाते सिद्ध करावे लागणार आहे. आजी- आजोबा, नातू, काकू, काका, पुतणी, भाचा, होणारी पत्नी हे जवळच्या नातेवाईकांमध्ये येणार नाही असे प्रशासनाने स्पष्ट केले आहे. कौटुंबिक नात्यासोबतच अमेरिकेसोबत व्यापारी संबंध असलेल्यांना व्हिसा मिळू शकणार आहे.

काही महिन्यांपूर्वी राष्ट्राध्यक्ष डोनाल्ड ट्रम्प यांनी ६ देशांची नावे प्रतिबंध यादीत समाविष्ट केली होती. यामध्ये सीरिया, लिबिया, इराण, सोमालिया, सुदान आणि येमेनच्या नागिरकांचा समावेश होतो. या देशांमधील निर्वासितांना अमेरिकेचा व्हिसा नाकारण्यात आला होता. या निर्णयावरुन ट्रम्प प्रशासनावर टीका होत होती. अमेरिकेतील विविध न्यायालयांनी या आदेशाविरोधात निकाल दिला होता. शेवटी हे प्रकरण अमेरिकेतील सुप्रीम कोर्टात गेले होते. गेल्या आठवड्यात सुप्रीम कोर्टाने या आदेशाची अंशत: अंमलबजावणी करण्यास परवानगी दिली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 29, 2017 11:09 am

Web Title: us trump administration set new criteria for visa family or business ties must for six muslim nation applications
Next Stories
1 ‘जीसॅट-१७’ उपग्रहाचे यशस्वी प्रक्षेपण
2 पाकिस्तानकडून शस्त्रसंधीचे उल्लंघन, दोन जवान जखमी
3 आता येणार २०० रुपयाची नोट
Just Now!
X