News Flash

मसूदवरील प्रस्तावाने चीनचा तीळपापड; अमेरिकेवर केला UN च्या खच्चीकरणाचा आरोप

जैश-ए-मोहम्मदचा म्होरक्या मसूद अझहरवरुन अमेरिकेने थेट चीनच्या विरोधात भूमिका घेतली आहे.

जैश-ए-मोहम्मदचा म्होरक्या मसूद अझहरवरुन अमेरिकेने थेट चीनच्या विरोधात भूमिका घेतली आहे. मसूदला जागितक दहशतवादी घोषित करण्यासाठी संयुक्त राष्ट्र सुरक्षा परिषदेत ठराव मांडण्याची अमेरिकेची भूमिका चीनला पटलेली नाही.  अशा प्रकारे जबरदस्ती ठराव मांडून अमेरिका संयुक्त राष्ट्राच्या दहशतवाद विरोधी समितीच्या अधिकाराचे खच्चीकरण करत असल्याचा आरोप चीनने केला आहे.

अमेरिकेच्या या पावलामुळे विषय अधिक किचकट होणार आहे असे चीनने म्हटले आहे. ‘जैश- ए- मोहम्मद’ या दहशतवादी संघटनेचा म्होरक्या मसूद अझहरला काळ्या यादीत टाकण्याचा प्रस्ताव अमेरिकेने संयुक्त राष्ट्रात सादर केला आहे. अमेरिकेच्या या प्रस्तावाला फ्रान्स आणि ब्रिटन या देशांनीही पाठिंबा दिला आहे.

पुलवामा येथील दहशतवादी हल्ल्यास जबाबदार असलेल्या पाकिस्तानच्या जैश- ए- मोहम्मद या दहशतवादी संघटनेचा म्होरक्या मसूद अझहर याला जागतिक दहशतवादी ठरवण्याचा प्रयत्न भारताने संयुक्त राष्ट्र सुरक्षा परिषदेत केला होता. मात्र, चीनने नकाराधिकार वापरून मसूदचा बचाव केल्याने भारताला धक्का बसला होता.

संयुक्त राष्ट्रातील या घडामोडींबद्दल विचारले असता चीनच्या परराष्ट्र मंत्रालयाचे प्रवक्ते गेंग शुआंग यांनी अमेरिकेने उचललेल्या या पावलामुळे विषय आणखी किचकट होणार असल्याचे सांगितले. संयुक्त राष्ट्र सुरक्षा परिषदेच्या मुख्य दहशतवाद विरोधी समितीच्या अधिकाराचे खच्चीकरण करणारी ही कृती आहे. परिषदेच्या ऐक्याच्या दृष्टीने हे योग्य नाही. यामुळे विषय अजूनच किचकट होणार आहे असे गेंग शुआंग यांनी म्हटले आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 28, 2019 4:10 pm

Web Title: us undermining un anti terror body china
Next Stories
1 पार्थ पवारांची धावाधाव; बैलगाडी, रिक्षा, रेल्वेतून घेतल्या जनतेच्या गाठी-भेटी
2 भारताने सांगितलेल्या जागांवर दहशतवादी तळ नाहीतच, पाकच्या उलट्या बोंबा
3 डास चावल्याने मृत्यू झाल्यास अपघाती विम्याअंर्गत दावा करता येणार नाही: सर्वोच्च न्यायालय
Just Now!
X