News Flash

कंडोम वापरणाऱ्या अविवाहित महिलांच्या संख्येत सहापटींनी वाढ

कंडोम वापरण्याचे प्रमाण २ टक्क्यांहून १२ टक्क्यांवर गेले

२०१५-१६ दरम्यान 'नॅशनल फॅमिली हेल्थ सर्व्हे' करण्यात आला. यानुसार १५ ते ४९ या वयोगटातील सेक्शुअली अॅक्टिव्ह महिलांमधील कंडोम वापरण्याचे प्रमाण गेल्या काही वर्षांच्या तुलनेत १० टक्क्यांनी वाढलं असल्याचं समोर आलं आहे.

आरोग्य मंत्रालयाकडून घेण्यात आलेल्या ‘नॅशनल फॅमिली हेल्थ सर्व्हे’नुसार कंडोम वापरणाऱ्या अविवाहित महिलांची संख्या गेल्या दहा वर्षांत सहापटीनं वाढली असल्याचं समोर आलं आहे. या सर्वेक्षणानुसार, १५ ते ४९ या वयोगटातील सेक्शुअली अॅक्टिव्ह महिलांमधील कंडोम वापरण्याचे प्रमाण २ टक्क्यांहून १२ टक्क्यांवर गेले असल्याचं नमुद करण्यात आलं आहे. या सर्वेक्षणातून ‘सेफ सेक्स’ला प्राधान्य देणाऱ्या अविवाहित आणि सेक्शुअली अॅक्टिव्ह महिलांचे प्रमाण भारतात वाढत असल्याचं सिद्ध झाले आहे.

२०१५-१६ दरम्यान ‘नॅशनल फॅमिली हेल्थ सर्व्हे’ करण्यात आला. यानुसार १५ ते ४९ या वयोगटातील सेक्शुअली अॅक्टिव्ह महिलांमधील कंडोम वापरण्याचे प्रमाण गेल्या काही वर्षांच्या तुलनेत १० टक्क्यांनी वाढलं असल्याचं समोर आलं आहे. देशातील तरुणी आणि महिलांचा कल सेफ सेक्सकडे झुकताना यातून दिसत आहे. यातील सर्वाधिक महिला या २० ते २४ वयोगटातील आहेत.

तर दुसरीकडे विवाहित माहिला कुटुंब नियोजनासाठी नसबंदीला महत्त्व देतात असं समोर आलं आहे. या सर्वेक्षणानुसार ७२ टक्के महिलांना कुटुंबनियोजनाबद्दल माहिती आहे. टीव्हीवरील जाहिराती किंवा ऐकीव माहितीनुसार कुटुंबनियोजन यासारखा प्रकार अस्तित्त्वात असल्याचं या महिलांनी मान्य केलं आहे. या सर्व्हेक्षणानुसार पंजाब राज्यात सर्वाधिक गर्भनिरोधक साधनं वापरली जातात तर मणिपूर, मेघालय, बिहार राज्यांत गर्भनिरोधक साधनांचा वापर कमी केला जात असल्याचंही यात म्हटलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 29, 2018 12:26 pm

Web Title: use of condoms had gone up in 10 years among sexually active unmarried women
Next Stories
1 ६९व्या ‘प्रजासत्ताक दिना’निमित्त सर्वाधिक ट्विटचा विक्रम
2 निवृत्त जोडप्याचा असाही विक्रम, स्वतः तयार केलेल्या विमानातून २३ देशांची सफर
3 प्रेयसीचे चुंबन घेतल्यामुळे अमेरिकन धावपटू उत्तेजक चाचणीत दोषी
Just Now!
X