09 April 2020

News Flash

लेकीच्या स्वागतासाठी वडील ‘शक्तिप्रदर्शन’ करणार

अमेरिकेतून मायदेशी परतलेल्या माजी वाणिज्यिक राजदूत देवयानी खोब्रागडे यांच्या मुंबईतील आगमनासाठी वडील उत्तम खोब्रागडे यांनी राजकीय नेत्यांप्रमाणे शक्तिप्रदर्शनाची जोरदार तयारी चालवली आहे.

| January 14, 2014 04:35 am

अमेरिकेतून मायदेशी परतलेल्या माजी वाणिज्यिक राजदूत देवयानी खोब्रागडे यांच्या मुंबईतील आगमनासाठी वडील उत्तम खोब्रागडे यांनी राजकीय नेत्यांप्रमाणे शक्तिप्रदर्शनाची जोरदार तयारी चालवली आहे. दिल्लीत बसून उत्तम खोब्रागडे मुंबई विमानतळावर देवयानीच्या स्वागतासाठी जास्तीत जास्त ‘कार्यकर्ते’ जमविण्यासाठी युद्धपातळीवर प्रयत्न करीत आहेत. देवयानी व उत्तम खोब्रागडे उद्या (मंगळवारी) दुपारी मुंबईला पतरणार आहेत.
दिल्लीच्या नवीन महाराष्ट्र सदनातून उत्तम खोब्रागडे यांनी महाराष्ट्रात देवयानीच्या स्वागताला ‘गर्दी’ होण्यासाठी दिवसभर आढावा घेतला. दूरध्वनीवरून ते आपल्या कार्यकर्त्यांना ‘पन्नासेक समर्थकांना घेऊन विमानतळावर या’, अशा सूचना देत होते. देवयानी अमेरिकेतून परतल्यानंतर पहिल्यांदाच महाराष्ट्रात येत आहेत. अमेरिकेत मिळालेल्या अपमानास्पद वागणुकीमुळे देवयानी प्रसिद्धीच्या झोतात आल्या. त्यासोबत त्यांच्या वडिलांनादेखील अमाप प्रसिद्धी मिळाली. त्यामुळे माजी सनदी अधिकारी असलेल्या खोब्रागडे यांची राजकीय महत्त्वाकांक्षा त्यामुळे जागृत झाल्याचे बोलले जाते.  दिल्लीत मराठी पत्रकारांना जातीयवादी ठरवून मराठी बोलण्यास नकार दिल्याचे राजकीय दुष्परिणाम होण्याची भीती असल्यानेच खोब्रागडे यांनी शक्तिप्रदर्शनाची तयारी चालवली आहे. देवयानीच्या स्वागतासाठी मुंबई विमानतळावर शेकडो कार्यकर्ते आल्यास त्याचा सकारात्मक परिणाम होईल, अशी आशा खोब्रागडे यांना आहे. 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 14, 2014 4:35 am

Web Title: uttam khboarde preparing to warm welcome daughter devyani khobragade at mumbai airport
टॅग Devyani Khobragade
Next Stories
1 ‘मोदींच्या आरोपांनी घाबरणार नाही’
2 मूलपेशींची निर्मिती करणाऱ्या कृत्रिम अस्थिमज्जेची निर्मिती
3 देवयानींवरील आरोपात परस्परविरोधी मुद्दे -बत्रा
Just Now!
X