उत्तर प्रदेशची राजधानी लखनऊ या ठिकाणी असलेल्या हज हाऊसला आता भगवा रंग देण्यात आला आहे. लखनऊ या शहरातील बापू भवनासमोर हज हाऊस आहे. शुक्रवारी या हज हाऊसच्या भिंतींना भगवा रंग देण्यात आला. या हज हाऊसचे फोटो सोशल मीडियावर व्हायरल होत आहेत. मिळालेल्या माहितीनुसार अल्पसंख्याक कल्याण बोर्डाच्या वतीने हज हाऊस रंगवण्यात आले. याआधी हज हाऊसच्या भिंती पांढऱ्या आणि हिरव्या रंगात रंगवण्यात आल्या होत्या.
Uttar Pradesh: Exterior walls of Haj House in Lucknow painted saffron. pic.twitter.com/xio9celKeL
— ANI UP (@ANINewsUP) January 5, 2018
फक्त लखनऊमधेच नाही तर राज्यातल्या इतर शहरांमध्येही इमारतींना भगवा रंग दिलेला बघायला मिळतो आहे. डिसेंबर महिन्यात पीलभीत या ठिकाणी असलेल्या १०० पेक्षा जास्त शाळांना भगवा रंग देण्यात आला. शिक्षकांनी केलेला विरोध झुगारून हा रंग देण्यात आला. उत्तर प्रदेशचे मुख्यमंत्री योगी आदित्यनाथ यांनी ऑक्टोबर महिन्यात त्यांच्या कार्यालयाला भगवा रंग दिला. तेव्हापासूनच इमारतींना भगवे रंग देण्याचे काम उत्तर प्रदेशात सुरु आहे.
There is no need for controversy in such things, saffron is an energetic and bright looking colour, the building looks beautiful. Opposition has no big issues against us so they raise inconsequential things: Mohsin Raza,UP Minister on Haj House painted saffron pic.twitter.com/ZsvWLJt4wv
— ANI UP (@ANINewsUP) January 5, 2018
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on January 5, 2018 5:49 pm
