उत्तराखंडमधील भाजपा नेते अरविंद पांडे यांच्या मुलाचा कार अपघातात मृत्यू झाला आहे. उत्तर प्रदेशातील बरेली जिल्ह्यात झालेल्या अपघातात अंकुर पांडे याचा मृत्यू झाला. फरिदापूरजवळ झालेला हा अपघात इतका भीषण होता की, कारचा अक्षरश: चेंदामेंदा झाला होता. ट्रकला धडक होऊन हा भीषण अपघात झाला. एएनआयने दिलेल्या वृत्तानुसार, फरिदापूरजवळ राष्ट्रीय महामार्ग २४ वर हा भीषण अपघात झाला. अंकुर पांडे प्रवास करत असलेल्या कारने ट्रकला धडक दिल्याने हा भीषण अपघात झाला. या अपघातात अजून दोघांचा मृत्यू झाला असून, एकजण जखमी झाला आहे. मिळालेल्या माहितीनुसार, हे सर्वजण गोरखपूर येथे एका लग्न समारंभारत उपस्थित राहण्यासाठी चालले होते. Bareilly: Uttarakhand Minister Arvind Pandey's son Ankur Pandey died after the car he was travelling in, collided with a truck on NH 24 near Faridpur at around 3 am today. Two others also died& one was injured in the accident. They were going to Gorakhpur to attend a wedding. pic.twitter.com/tP0c8W5cLw — ANI UP (@ANINewsUP) June 26, 2019 अरविंद पांडे हे भाजपाचे मंत्री असून उत्तराखंड सरकारमध्ये शाळा व संस्कृत शिक्षण, क्रिडा, युवा कल्याण आणि पंचायती राज मंत्री आहेत.