News Flash

केंद्र सरकारच्या नव्या निर्णयामुळे गुजरातमध्ये ४५+ नागरिकांचं लसीकऱण थांबलं…

१७ मे पासून लसीकऱणाला पुन्हा सुरुवात होणार

गुजरातमध्ये ४५ वर्षांपासून पुढच्या वयोगटातल्या नागरिकांचं लसीकरण आजपासून तीन दिवस थांबवण्यात आलं आहे. कोविशिल्ड या करोना प्रतिबंधक लसींच्या दोन डोसमधलं अंतर वाढवण्याच्या केंद्राच्या निर्णयामुळे लसीकरण थांबवण्यात आल्याचं राज्य सरकारकडून सांगण्यात आलं आहे.

या तीन दिवसांच्या कालावधीत १८ ते ४४ वर्षे वयोगटातल्या ज्या नागरिकांनी नोंदणी केली आहे आणि ज्यांना लसीकऱणासाठीचा मेसेज आला आहे, त्यांचं लसीकरण सुरु राहणार असल्याचं राज्य सरकारक़डून जारी करण्यात आलेल्या पत्रकात सांगितलं आहे.

केंद्र सरकारने काल कोविशिल्ड लसीच्या दोन डोसमधलं अंतर ६ ते ८ आठवड्यांवरुन आता १२ ते १६ आठवडे करण्याचा निर्णय घेतला आहे. या निर्णयानंतर ४५ वर्षे आणि त्यावरील वयोगटातल्या नागरिकांचं लसीकरण शुक्रवार, शनिवार, रविवार हे तीन दिवस बंद असणार आहे.

१७ मे पासून हे लसीकरण पुन्हा सुरु करण्यात येईल. आत्ता पर्यंत गुजरातमध्ये १.४७ कोटी लोकांनी लस घेतली आहे. आत्तापर्यंत राज्यातल्या १.९ कोटी लोकांना पहिला डोस मिळाला आहे. ३७.८९ लाख लोकांनी लसीचा दुसरा डोस घेतला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 14, 2021 4:01 pm

Web Title: vaccination in gujrat halted for three days due to new decision of centre vsk 98
Next Stories
1 तुरुंगातील करोना रुग्णांची सेवा करायचीय, परवानगी द्या; तिहारमधील अल-कायदाच्या दहशतवाद्याची याचिका
2 Oxygen Crisis: करोना रुग्णांच्या मृत्यूप्रकरणी गोव्याच्या मुख्यमंत्र्यांविरोधात पोलिसात तक्रार
3 कुख्यात गँगस्टरने जेलमध्ये केले खून; एन्काऊंटरमध्ये स्वतःही मारला गेला!
Just Now!
X