करोनाच्या आपत्तीनंतर साडेतीन महिन्यांनी शुक्रवारी पहिल्यांदाच संसदेच्या स्थायी समितीची प्रत्यक्ष बैठक होऊ शकली. काँग्रेसचे राज्यसभेचे सदस्य जयराम रमेश यांच्या अध्यक्षतेखाली विज्ञान व तंत्रज्ञानविषयक स्थायी समितीत अपेक्षेप्रमाणे देशातील करोनाच्या परिस्थितीबद्दल चर्चा करण्यात आली. बैठकीत प्रामुख्याने देशी बनावटीच्या संभाव्य करोना लसीच्या निर्मितीवर माहिती घेण्यात आली.
