संसदेचे वरिष्ठ सभागृह असलेल्या राज्यसभेतील ५८ सदस्यांचा कार्यकाळ एप्रिल-मेमध्ये पूर्ण होत आहे. त्यामुळे या जागांसाठी निवडणुकीची घोषणा निवडणूक आयोगाने शुक्रवारी केली असून २३ मार्च रोजी यासाठी मतदान होणार आहे. देशातील १६ राज्यातील राज्यसभेच्या ५८ जागांसाठी ही निवडणूक होणार आहे. यासाठी उमेदवारी अर्ज भरण्याची अंतिम तारिख १२ मार्च आहे. तर २३ मार्च रोजी यासाठी मतदान होणार आहे. दरम्यान, या निवडणुकांदरम्यान केरळमधील राज्यसभेच्या एका जागेसाठी पोटनिवडणूक देखील घेण्यात येणार असल्याचे निवडणूक आयोगाकडून स्पष्ट करण्यात आले आहे.
