15 August 2020

News Flash

२५ हजार फेसबुक लाईक्स असतील तरच भाजप निवडणुकीचे तिकीट देणार

लोकसभा निवडणुकीतील भाजपच्या ऐतिहासिक यशात सोशल मिडीयावरून केलेल्या प्रचाराचा मोठा वाटा होता.

Amit shah : भाजपचे राष्ट्रीय अध्यक्ष अमित शहा

पुढील वर्षी होणाऱ्या उत्तरप्रदेश निवडणुकीसाठी भाजपाध्यक्ष अमित शहा यांनी इच्छूक उमेदवारांसमोर एक अनोखी अट ठेवली आहे. संबंधित उमेदवाराच्या फेसबूक किंवा सोशल मिडीया पेजला २५००० लाईक्स असतील तरच त्याला निवडणुकीचे तिकीट मिळेल, अशी अट शहा यांनी ठेवल्याचे वृत्त आहे. त्यामुळे सोशल मिडीयावर सक्रिय नसलेल्या अनेक नेत्यांची गोची झाली आहे. फेसबुक, टि्वटरचा मर्यादीत वापर किंवा याविषयी माहितीच नसेल तर असे उमेदवार भाजपकडून तिकीट मिळवण्याच्या शर्यतीत मागे पडणार आहेत. लोकसभा निवडणुकीतील भाजपच्या ऐतिहासिक यशात सोशल मिडीयावरून केलेल्या प्रचाराचा मोठा वाटा होता.
उत्तर प्रदेशातील भाजपचे महत्त्वाचे नेते असलेले लक्ष्मीकांत बाजपेयी यांचे ट्विटरवर १०००० फॉलोअर्स आहेत. तर मुझफ्फरनगर दंगलीतील आरोपी आमदार सुरेश राणा यांच्या फेसबुक पेजला १२,५८६ लाईक्स आहेत. याशिवाय, मेरठचे भाजप खासदार राजेंद्र अग्रवाल यांना फेसबुकवर फक्त १३९५७ लाईक्स आहेत. दरम्यान, आपली पाठिराख्यांची संख्या कमी असली तरी, पुढच्या तीन महिन्यात आपण निर्धारित लक्ष्य गाठू असा विश्वास लक्ष्मीकांत बाजपेयी यांनी व्यक्त केला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 17, 2016 1:03 pm

Web Title: want ticket in up election from bjp then get 25000 facebook likes
टॅग Bjp,Social Media
Next Stories
1 नरेंद्र मोदी इंटरनेटवरील सर्वाधिक प्रभावी व्यक्तींच्या यादीत
2 दहशतवादाच्या लहानसहान घटनांकडेही युद्ध म्हणूनच बघितले पाहिजे- पर्रिकर
3 मुंबई-पुणे एक्स्प्रेस मार्गावर दुभाजकाला धडकून बसचा भीषण अपघात; एकाचा मृत्यू
Just Now!
X