कायदा हातात न घेण्याचे व नियमांचे पालन करण्याचे आवाहन करणाऱया पोलीसांनी कायदा मोडला तर? नुकताच 'एएनआय' या वृत्तसंस्थेने एक व्हिडिओ जारी केला असून, या व्हिडिओमध्ये चक्क एक पोलीस अधिकारीच मद्यपान करून रस्त्यात धिंगाणा घालत असल्याचे दिसते. हा प्रकार कानपूर येथील असून, नशेत तर्ररर झालेल्या या पोलीस अधिकाऱयाला नीट उभे देखील राहता येत नसल्याचे व्हिडिओमध्ये दिसून येते. नागरिकांनाच या पोलीस अधिकाऱयाला सावरण्यासाठी मदत करावी लागत आहे. नशेत धुंद झालेला हा पोलीस अधिकारी गणवेशात असून, उपस्थितांनी या तळीराम पोलीसाने घातलेल्या धिंगाण्याचे चित्रीकरण करून सोशल मीडियावर शेअर केले आहे. #WATCH #CaughOnCam Drunken policeman creates a scene in Kanpur (UP), refuses help offered by the public. — ANI UP (@ANINewsUP) July 13, 2016