25 October 2020

News Flash

जामिया गोळीबारासारखे प्रकार खपवून घेणार नाही-अमित शाह

अमित शाह यांनी या संदर्भातलं ट्विट केलं आहे

(संग्रहित छायाचित्र)

जामिया येथे जो गोळीबार झाला असे प्रकार खपवून घेणार नाही असं केंद्रीय गृहमंत्री अमित शाह यांनी ठणकावलं आहे. यासंदर्भात दिल्ली पोलीस आयुक्तांशी चर्चा केली आहे. या प्रकरणात जो दोषी आहे त्याला माफ करणार नाही असंही अमित शाह यांनी स्पष्ट केलं आहे. अमित शाह यांनी त्यांच्या अधिकृत ट्विटर अकाऊंटवरुन यासंदर्भातलं ट्विट केलं आहे.

आज दिल्लीतील जामिया या ठिकाणी गोपाल नावाच्या एका तरुणाने CAA विरोधातल्या रॅलीवर गोळीबार केला. शांततेने होणाऱ्या या रॅलीवर गोळीबार करण्यात आला. त्याआधी रामभक्त गोपाल या नावाने असलेल्या फेसबुक अकाऊंटवर या गोपाल नावाच्या मुलाने यासंदर्भातली पोस्टही लिहिली होती. गोपालने केलेल्या गोळीबारात एक विद्यार्थी जखमी झाला आहे. या जखमी विद्यार्थ्यावर रुग्णालयात उपचार सुरु आहेत.

दरम्यान केंद्रीय गृहमंत्री अमित शाह यांनी या घटनेची तातडीने दखल घेतली असून या प्रकरणातल्या दोषीला माफ करणार नाही असं म्हटलं आहे. दिल्ली पोलीस दलाचे विशेष पोलीस आयुक्त प्रवीर रंजन यांना हे प्रकरण सोपवण्यात आलं आहे. गोळीबार प्रकरणाची सखोल चौकशी ते करतील असंही अमित शाह यांनी स्पष्ट केलं.

आज दिल्लीतील जामिया ठिकाणी CAA, NRC विरोधात विद्यार्थ्यांनी शांततेच्या मार्गाने आंदोलन करण्याचा निर्णय घेतला होता. त्यानुसार रॅली सुरुही होणार होती. त्याचवेळी अचानक एक तरुण रस्त्यावर आला त्याने त्याच्याकडे असलेल्या बंदुकीतून गोळ्या झाडण्यास सुरुवात केली. या घटनेत एक विद्यार्थी जखमी झाला आहे. मात्र हे असले प्रकार खपवून घेणार नाही आणि जो दोषी आहे त्याला कठोर शिक्षा होईल असं केंद्रीय गृहमंत्री अमित शाह यांनी म्हटलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 30, 2020 10:25 pm

Web Title: we will not tolerate incident like jamia nagar firing said amit shah scj 81
Next Stories
1 UP : १५ मुलं आणि काही महिलांना ठेवलं ओलीस, गोळीबाराचाही आवाज
2 पंतप्रधान मोदी ‘त्याला’ त्याच्या कपड्यांवरून ओळखा, ओवेसींचा टोला
3 दोन मित्रांमध्ये पैशांवरुन वाद, एकाने चावलं दुसऱ्याचं नाक
Just Now!
X