13 July 2020

News Flash

पाकिस्तानकडून ड्रोनद्वारे पंजाबमध्ये शस्त्रपुरवठा- मुख्यमंत्री अमरिंदर सिंग

पोलिसांनी ५ एके-४७ रायफलींसह मोठा शस्त्रसाठा जप्त केला आहे.

(संग्रहित छायाचित्र)

पंजाबमध्ये शस्त्रे आणि संचार उपकरणे पोहोचवण्यासाठी पाकिस्तान ड्रोनचा वापर करत असल्याचे पंजाब पोलिसांच्या तपासात आढळल्यानंतर, हा प्रकार रोखण्यासाठी उपाययोजना करण्याचे आवाहन राज्याचे मुख्यमंत्री अमरिंदर सिंग यांनी रविवारी भारतीय हवाई दल आणि सीमा सुरक्षा दलाला केले.

पाकिस्तान शासन, आयएसआय, पाकपुरस्कृत जिहादी आणि पाकिस्तानच्या नियंत्रणाखाली काम करणाऱ्या खलिस्तानवादी दहशतवादी संघटना यांनी अलीकडेच भारत-पाक सीमेपलीकडे पाठवलेल्या ड्रोनद्वारे शस्त्रे पोहोचवण्यात आल्याचा संशय आहे, असे पोलीस उपमहासंचालक दिनकर गुप्ता यांनी सांगितले.

पाकिस्तान आणि जर्मनीतील एक दहशतवादी गट यांचा पाठिंबा असलेले पुनरुज्जीवित खलिस्तान जिंदाबाद फोर्सचे एक मॉडय़ूल राज्य पोलिसांनी उद्ध्वस्त केल्यानंतर हा प्रकार उघडकीला आल्याचे एएनआयच्या वृत्तात म्हटले आहे. हे दहशतवादी पंजाब व लगतच्या राज्यांत हल्ल्याचा कट आखत होते. पोलिसांनी ५ एके-४७ रायफलींसह मोठा शस्त्रसाठा जप्त केला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 23, 2019 1:48 am

Web Title: weapons supply to punjab via drone from pakistan abn 97
Next Stories
1 ऊर्जा सुरक्षा क्षेत्रातील सहकार्यावर चर्चा
2 पाकिस्तानातील गटांचे स्वातंत्र्यासाठी मोदींना साकडे!
3 मानवी हक्क उल्लंघनामुळे पाकिस्तानचे तुकडे होतील – राजनाथ सिंह
Just Now!
X