04 March 2021

News Flash

‘वॉट्सअप’ आता कॉम्प्युटरवरही!

नेटिझन्स आता आपल्या लॅपटॉप किंवा डेस्कटॉपवरूनही या अॅपचा वापर करू शकतात.

| January 22, 2015 02:34 am

कोट्यवधी मोबाईलधारक ज्या ‘अॅप’च्या माध्यमातून सातत्याने एकमेकांच्या संपर्कात असतात, त्या ‘वॉट्सअप’चे वेब ब्राऊजर व्हर्जनही अस्तित्त्वात आले असून, नेटिझन्स आता आपल्या लॅपटॉप किंवा डेस्कटॉपवरूनही या अॅपचा वापर करू शकतात.
गेल्या काही महिन्यांपासून या नव्या सुविधेची वाट बघितली जात होती. या नव्या सुविधेमुळे वॉट्सअपवरील संदेश वाचण्यासाठी प्रत्येकवेळी मोबाईल बघण्याची गरज पडणार नाही. वॉट्सअपच्या ब्लॉगवर या नव्या सुविधेबद्दल माहिती देण्यात आली आहे.
कोणत्याही नेटिझन्सला हे अॅप लॅपटॉप किंवा डेस्कटॉपवर सुरू करण्यासाठी क्रोम ब्राऊजरमधून https://web.whatsapp.com या संकेतस्थळावर जावे लागेल. तिथे गेल्यावर दिसणारा क्यूआर कोड आपल्या मोबाईलवरील वॉट्सअपच्या साह्याने स्कॅन केल्यावर तुम्हाला या ब्राऊजरमधूनही वॉट्सअप वापरता येईल. यासाठी सर्वात आधी वॉट्सअपचे अपडेटेड व्हर्जन तुमच्या मोबाईलवर असणे आवश्यक आहे. त्याचबरोबर तुमच्या लॅपटॉप किंवा डेस्कटॉपवर इंटरनेट सुविधाही सुरू असली पाहिजे.
सध्या तरी ही सुविधा ‘आयओएस’ म्हणजे ‘अॅपल’धारकांसाठी उपलब्ध नाही. मात्र, अॅंड्राईड, ब्लॅकबेरी आणि विंडोज ऑपरेटिंग सिस्टिमवर चालणारे मोबाईलधारक या सुविधाचा वापर करू शकतात.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 22, 2015 2:34 am

Web Title: web version of whatsapp launched
टॅग : Whatsapp
Next Stories
1 विदर्भातील अक्षय जाधव याला राणी एलिझाबेथ यांचा पुरस्कार
2 गोव्याच्या मुख्यमंत्र्यांची मुक्ताफळे
3 कुमारमंगलम बिर्ला यांचीही चौकशी
Just Now!
X