पश्चिम बंगालमधील कोलकाता येथून 'जमात- ऊल- मुजाहिद्दीन बांगलादेश' या प्रतिबंधित दहशतवादी संघटनेच्या दोन दहशतवाद्यांना पोलिसांनी अटक केली आहे. या दोघांकडून शस्त्रसाठा देखील जप्त करण्यात आला आहे. मंगळवारी रात्री कोलकाता आणि मुर्शिदाबाद पोलिसांच्या संयुक्त पथकाने मुशिबूर रहमान (वय ३५) आणि राहुल अमिन (वय २६) या दोन दहशतवाद्यांना अटक केली. दोघेही जेएमबीचा नेता कौसरच्या संपर्कात होते, अशी माहिती तपास यंत्रणांना मिळाली होती. यानुसार दोघांवर कारवाई करण्यात आली आहे. दोघेही जेएमबीसाठी अॅसिड बॉम्ब तयार करायचे, अशी माहिती समोर येत आहे.
