News Flash

पंतप्रधान मोदींच्या रॅलीमध्ये ‘दादा’ची राजकीय इनिंग सुरू होणार? बंगाल भाजपा प्रदेशाध्यक्ष म्हणतात…

सात मार्च रोजी कोलकात्यात पंतप्रधान नरेंद्र मोदी यांची रॅली

(संग्रहित छायाचित्र)

भारतीय क्रिकेट नियामक मंडळ अर्थात बीसीसीआय अध्यक्ष सौरव गांगुली भाजपामध्ये प्रवेश करणार असल्याची जोरदार चर्चा पुन्हा एकदा सुरू झाली आहे. सात मार्च रोजी गांगुली भाजपामध्ये प्रवेश करणार अशी चर्चा असतानाच बंगाल भाजपाचे प्रदेशाध्यक्ष दिलीप घोष यांनी मात्र ही चर्चा फेटाळून लावली.

मंगळवारी दिलीप घोष यांना पत्रकारांनी गांगुलीच्या भाजपाप्रवेशाबाबत प्रश्न विचारला. त्यावर, “मला याबाबत काहीही कल्पना नाही, पक्षाच्या बैठकीत अशी कोणतीही चर्चा झालेली नाही”, असं उत्तर घोष यांनी दिलं. सात मार्च रोजी कोलकात्यात पंतप्रधान नरेंद्र मोदी यांची रॅली होणार असून त्या रॅलीमध्ये गांगुली भाजपात अधिकृतपणे प्रवेश घेईल अशी चर्चा गेल्या काही दिवसांपासून सुरू आहे. त्यावर दिलीप घोष यांनी प्रतिक्रिया दिली. पश्चिम बंगालमधील पहिल्या आणि दुसऱ्या टप्प्यातील निवडणुकांसाठी उमेदवारांची नावे लवकरच जाहीर करणार असल्याचंही घोष यांनी सांगितलं.

आणखी वाचा- “सर्व केंद्रीय मंत्र्यांची वरात घेऊन भाजपा बंगालमध्ये आली, पण ‘नवरा’ कोण आहे?”

दरम्यान, गांगुलीकडून यावर अधिकृत प्रतिक्रिया अद्याप आलेली नाही. पश्चिम बंगाल विधानसभेच्या निवडणुका २७ मार्चपासून सुरू होणार असून आठ टप्प्यांमध्ये मतदान होईल. २९ एप्रिल रोजी मतदानाची अंतिम फेरी होणार आहे, तर मतमोजणी २ मे रोजी होईल. पश्चिम बंगालमध्ये या वेळी तृणमूल काँग्रेस, कॉंग्रेस-डावी आघाडी आणि भाजपा अशा तिरंगी लढाईचं चित्र दिसू शकतं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 3, 2021 12:22 pm

Web Title: west bengal bjp chief dilip ghosh dismisses speculation of sourav ganguly joining bjp sas 89
Next Stories
1 कर्नाटकमधील येडियुरप्पा सरकारसमोर नवं संकट; Sex CD प्रकरणात अडकले जलसंवर्धन मंत्री
2 महिला न्यायाधीशाला वाढदिवसाच्या शुभेच्छा देणं पडलं महागात; वकिलाची जामीनासाठी धावाधाव
3 पत्नी काही पतीची मालमत्ता नाही, सोबत राहण्यासाठी तिच्यावर बळजबरी करता येणार नाही : सर्वोच्च न्यायालय
Just Now!
X