कठुआ येथे चिमुरडीवर झालेल्या सामूहिक बलात्कार आणि हत्येनंतर जम्मू काश्मीर सरकार खडबडून जागं झालं आहे. अशा घटनांची पुनरावृत्ती होऊ नये यासाठी जम्मू काश्मीर सरकार अल्पवयीन मुलीवर बलात्कार करणा-यांना फाशीची शिक्षा मिळावी यासाठी नवा कायदा आणणार असल्याची माहिती मुख्यमंत्री मेहबुबा मुफ्ती यांनी दिली आहे. बलात्कार पीडित चिमुरडीला न्याय मिळवून देण्याचं आश्वासन देताना मेहबुबा मुफ्ती यांनी ट्विट केलं की, 'मला देशवासियांना आश्वस्त करायचं आहे की, मी फक्त बलात्कार पीडित चिमुरडीला न्याय मिळवून देण्यासाठी बांधील नसून, माणुसकीला काळीमा फासत या गुन्ह्यात सामील असलेल्या आरोपींना जास्तीत जास्त शिक्षा मिळावी यासाठीही वचनबद्ध आहे'. I want to assure the entire nation that I stand committed not just to ensure justice for Ashifa but also seek exemplary punishment for those responsible for a crime whose brutal savagery has shamed humanity. 1/2 — Mehbooba Mufti (@MehboobaMufti) April 12, 2018 पुढे त्यांनी म्हटलं आहे की, 'पीडित चिमुरडीला जे सहन करावं लागलं ते इतर कोणत्याही चिमुरड्यासोबत होऊ देणार नाही. अल्पवयीन मुलींवर बलात्कार करणा-यांना फाशीची शिक्षा मिळावी यासाठी नवा कायदा आणू. ज्यामुळे हे अखरेचं प्रकरण असेल'. We will never ever let another child suffer in this way. We will bring a new law that will make the death penalty mandatory for those who rape minors, so that little Ashifa’s case becomes the last. 2/2 — Mehbooba Mufti (@MehboobaMufti) April 12, 2018 कठुआ बलात्कार प्रकरणामुळे जम्मू काश्मीर सरकारवर सर्व स्तरातून टीका होत आहे. याआधी बोलताना मुख्यमंत्र्यांनी आरोपींना शिक्षा व्हावी यासाठी योग्य कार्यपद्दतीचं अवलंबन केलं जाईल असं म्हटलं होतं. 'काही लोकांच्या बेजबाबदार वागणं आणि वक्तव्यांच्या आधारे कायदा आपलं काम करणार नाही. योग्य कार्यपद्धतीचा अवलंब केला जाईल. तपास गतीने सुरु असून लवकरच न्याय मिळेल', असं मेहबुबा मुफ्ती यांनी सांगितलं होतं.