28 October 2020

News Flash

समान नागरी कायद्याविरोधात जनमत तयार करणार -जिलानी

भारत हा विविध संस्कृती व सभ्यतांचा देश असून समान नागरी कायदा लागू करणे अन्यायकारक आहे.

झफरयाब जिलानी

लखनऊ : भारत हा विविध संस्कृती व परंपरांनी नटलेला देश असून  या देशात समान नागरी कायदा लागू करणे चुकीचे आहे, त्यामुळे या कायद्याविरोधात आपण आधीपासून जनमत तयार करण्याचा प्रयत्न करू, असे मत अखिल भारतीय मुस्लिम व्यक्तिगत कायदा मंडळाचे सदस्य झफरयाब जिलानी यांनी व्यक्त केले आहे. मंडळाची आभासी बैठक नुकतीच झाली त्यात समान नागरी कायद्याला कसून विरोध करण्याचे ठरवण्यात आले.

जिलानी यांनी सांगितले की, समान नागरी कायदा व बाबरी मशीद पाडल्याच्या प्रकरणी काही महत्त्वाचे निर्णय ११ व १३ ऑक्टोबरच्या बैठकीत घेण्यात आले आहेत. सत्ताधारी भाजपच्या दृष्टीने आता समान नागरी कायदा  करणे हा एकच मुद्दा पूर्ण करायचा राहिला आहे त्यामुळे त्या दिशेने त्यांचे  प्रयत्न सुरू आहेत. समाजातील विविध गटांशी संपर्क साधून आम्ही समान नागरी कायद्याविरोधात जनमत तयार करणार आहोत. त्यासाठी मतैक्य घडवण्याचा आमचा प्रयत्न राहील. भारत हा विविध संस्कृती व सभ्यतांचा देश असून समान नागरी कायदा लागू करणे अन्यायकारक आहे.

बाबरी निकालास आव्हान देण्याची तयारी

बाबरी मशीद पाडल्याच्या प्रकरणात सर्व आरोपींना निर्दोष सोडण्याच्या विशेष सीबीआय न्यायालयाच्या निकालाला आव्हान देणार असून मंडळाचा प्रतिनिधी यावर उच्च न्यायालयात अपील दाखल करील, असेही त्यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 18, 2020 2:18 am

Web Title: will form a referendum against the uniform civil code zafaryab jilani zws 70
Next Stories
1 राज्यपाल भगतसिंह कोश्यारींनी मुख्यमंत्री उद्धव ठाकरेंना पाठवलेल्या पत्रावर अमित शाह म्हणाले…
2 अमेरिकेतील राष्ट्राध्यक्षपदाचे उमेदवार जो बायडेन नवरात्रीच्या शुभेच्छा देताना म्हणाले…
3 हेलिकॉप्टर अपघातातून थोडक्यात बचावले केंद्रीय मंत्री रविशंकर प्रसाद
Just Now!
X