News Flash

‘मला ज्वालामुखीशी बोलावं लागेल’, सुषमा स्वराज यांचं ट्विटरवर भन्नाट उत्तर

आपल्या भन्नाट उत्तरामुळे सुषमा स्वराज पुन्हा चर्चेत आल्या आहेत

नरेंद्र मोदीं ऐवजी सुषमा स्वराज देशाच्या पंतप्रधान असत्या तर त्यांचे सरकार अधिक यशस्वी ठरले असते, असे वक्तव्य काँग्रेसचे ज्येष्ठ नेते आणि मध्य प्रदेशचे माजी मुख्यमंत्री दिग्विजय सिंह यांनी केले आहे.

सोशल मीडिया आणि खासकरुन ट्विटरवर लोकांच्या मदतीसाठी नेहमी तत्पर असणाऱ्या केंद्रीय परराष्ट्रमंत्री सुषमा स्वराज आपल्या हजरजबाबी उत्तरामुळे नेहमीच चर्चेत असतात. आपल्या भन्नाट उत्तरामुळे सुषमा स्वराज पुन्हा चर्चेत आल्या आहेत. सुषमा स्वराज यांनी ट्विटरकराला दिलेल्या उत्तराचं लोक कौतुक करत आहेत.

ट्विटरवर एका युजरने विचारलेल्या प्रश्नाला उत्तर देताना सुषमा स्वराज यांनी ज्वालामुखीला विचारावं लागेल असं म्हटलं आहे.

झालं असं की एका व्यक्तीने ट्विटरवर परराष्ट्रमंत्री सुषमा स्वराज यांनी इंडोनेशियामधील भारतीय दुतावास आणि बालीमधील काऊन्सिल जनरलला टॅग करत एक सल्ला मागितला होता. या व्यक्तीने ११ ऑगस्ट ते १७ ऑगस्टदरम्यान इंडोनेशियामधील बालीमध्ये प्रवास करणं सुरक्षित आहे का ? सरकार यासंबंधी काही माहिती देणार आहे का ? यावर सुषमा स्वराज यांनी यासाठी मला ज्वालामुखीशी बोलावं लागेल असं उत्तर दिलं.

सुषमा स्वराज यांच्या उत्तराला ११ हजाराहून जास्त जणांनी लाइक केलं असून दोन हजारापेक्षा जास्त रिट्विट झालं आहे. काहीजणांनी सुषमा स्वराज यांच्या उत्तराचं अनेकांनी कौतुक केलं असून, काहीजणांनी कोणतेही प्रश्न विचारले जाऊ नयेत असं मत व्यक्त केलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 10, 2018 3:48 pm

Web Title: will have to talk to volcano sushma swaraj answers back on twitter
Next Stories
1 VIDEO: अच्छे दिन… भारतीयांनी दौलतजादा केलेल्या नोटा उचलायला परदेशी धावले!
2 गुगलनं दोनदा नाकारली होती फ्लिपकार्टच्या संस्थापकाला नोकरी
3 मोस्कोमध्ये दिसलेली गोष्ट ढग की उडती तबकडी?, रशियातील नेटकऱ्यांमध्ये जुंपली
Just Now!
X