सुरत : सुरत महापालिकेतील प्रशिक्षणार्थी कारकून पदासाठी निवड करण्यात आलेल्या महिलांना महापालिकेच्या रुग्णालयात तपासणीसाठी एकत्र नग्न अवस्थेत उभे करण्यात आल्याची धक्कादायक घटना सामोरी आली आहे. सुरत महापालिका आयुक्त बनछानिधी पणी यांनी शुक्रवारी या प्रकाराची चौकशी करण्याचे आदेश दिले आहेत. दहा महिलांना रुग्णालयाच्या स्त्रीरोग विभागात तपासणीसाठी नग्न उभे करण्यात आले होते. गुजरातमधील भुज शहरातील महाविद्यालयात विद्यार्थिनींची अंतर्वस्त्रे काढून त्यांना पाळी न आल्याची खातरजमा करण्यात आल्याच्या घटनेनंतर हा दुसरा प्रकार आहे. महापालिका कर्मचारी संघटनेने आयुक्तांकडे गुरुवारी केलेल्या तक्रारीत असे म्हटले आहे, की विवाह न झालेल्या महिलांची गर्भवती नसल्याची तपासणी करण्यात आली. २० फेब्रुवारीला सुरत महापालिका वैद्यकीय संशोधन रुग्णालयात हा प्रकार झाला.
