दुसऱ्या महायुद्धाला जवळपास 70 वर्ष उलटून अद्यापही जर्मनीत त्या युद्धातील जिवंत बॉम्ब सापडत आहेत. जर्मनीच्या फँकफ्रंट येथे रविवारी बॉम्बनाशक पथकाने दुसऱ्या महायुद्धातील 500 किलो वजनाचा जिवंत बॉम्ब निकामी केला. हा बॉम्ब आढळल्यानंतर येथे काही वेळाकरता खळबळ उडाली होती. बॉम्ब निष्क्रीय करण्यासाठी सुरक्षिततेसाठी परिसरातील जवळपास साडेअठरा हजार नागरिकांना सुरक्षित ठिकाणी हलवण्यात आले होते. हा बॉम्ब निकामी करण्यासाठी बॉम्बनाशक पथकाला एक तासाहून अधिक वेळ लागला. दुसऱ्या महायुद्धाच्या काळात अमेरिकी सैन्याकडून हा बॉम्ब टाकण्यात आल्याची दाट शक्यता वर्तवली जात आहे. बॉम्ब आढळल्यानंतर परिसरातील 1 हजार मिटर पर्यंत राहणाऱ्या सर्वांना सुरक्षितस्थळी हलवण्यात आले होते. परिसर खाली केल्यानंतर बॉम्ब निकामी करण्याची मोहीम बॉम्बनाशक पथकाने हाती घेतली आणि तासाभरापेक्षा जास्त वेळानंतर हा बॉम्ब निकामी केला. त्यानंतर पथकाने अधिकृत ट्विटर अंकाऊंटवरून या बॉम्बचा फोटो ट्विट केला आणि बॉम्ब निकामी केल्याची 'गुड न्यूज' नागिरकांना दिली. ❗️#FliegerbombeLu: Gute Nachricht: Die Bombe ist entschärft! Die Bürgerinnen und Bürger können in ihre Wohnungen zurückkehren. — Stadt Ludwigshafen (@ludwigshafen_de) August 26, 2018 यापूर्वी, गेल्या वर्षीही जर्मनीतच तब्बल 1.8 टन वजनाचा ब्रिटीश लष्कराचा जिवंत बॉम्ब सापडला होता. त्यावेळीही परिसरातील 60 हजार लोकांना सुरक्षितस्थळी हलवून बॉम्ब निकामी करण्यात आला होता. तर, याच वर्षी एप्रिल महिन्यात फ्रान्सच्या नॉरमेडी भागात 220 किलोचा बॉम्ब आढळला होता.