जम्मू-काश्मीर: बस दरीत कोसळून ११ ठार, १४ जखमी; सात जणांची प्रकृती चिंताजनक

मदत करण्यासाठी बचाव पथक आणि भारतीय लष्कराचे जवान घटनास्थळी दाखल झाले आहेत.

Doda bus accident
१४ जण जखमी आहेत (फोटो ट्विटरवरुन साभार)

जम्मू-काश्मीरमधील दोडा येथे एक बस दरीत पडल्याने ११ प्रवाशांचा मृत्यू झाला असून १४ जण गंभीर जखमी झाले आहेत. जखमी झालेल्या १४ जणांपैकी सात जणांची प्रकृती चिंताजनक असल्याचं सांगितलं जात आहे.

या अपघाताची माहिती मिळताच मदत करण्यासाठी बचाव पथक आणि भारतीय लष्कराचे जवान घटनास्थळी दाखल झाले आहेत.

केंद्रीय गृहमंत्री अमित शाह यांनी ट्विटरवरुन या अपघातामध्ये मरण पावलेल्यांना श्रद्धांजली अर्पण करत दु:ख व्यक्त केलं आहे. “जम्मू काश्मीरमधील दोडा येथे झालेल्या अपघाताबद्दल ऐकून वाईट वाटलं. या अपघातामध्ये मरण पावलेल्यांच्या कुटुंबीयांसाठी मी शोक व्यक्त करतो.,” असं शाह म्हणाले आहेत. तसेच त्यांनी जखमींना लवकर आराम मिळावा यासाठी प्रार्थनाही केलीय.

या अपघातासंदर्भात आपण जम्मू काश्मीरचे नवे उपराज्यपाल मनोज सिन्हा यांच्याशी चर्चा केली असून शक्य ती सर्व मदत केली जाईल आणि जखमींवर उपचार केले जातील अशा शब्द केंद्रीय गृहमंत्र्यांनी दिलाय.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: 11 killed 7 critical after bus falls into gorge in jammu and kashmir doda scsg

ताज्या बातम्या