कर्नाटक विधानसभा अध्यक्षांच्या निर्णयाविरोधात १४ बंडखोर आमदार सर्वोच्च न्यायालयात

जेडीएस- ३ व काँग्रेसच्या – ११ आमदारांना ठरवण्यात आले होते अपात्र

(संग्रहित छायाचित्र)

कर्नाटकात विधानसभा अध्यक्षांकडून अपात्रतेचा ठपका ठेवल्या गेलेल्या १४ बंडखोर आमदारांनी आता या निर्णयाविरोधात सर्वोच्च न्यायालयाचा दरवाजा ठोठावला आहे. मुख्यमंत्री येडियुरप्पा यांनी मुख्यमंत्री पदाची शपथ घेतल्यानंतर त्यांनी बहुमत सिद्ध करण्याच्या एक दिवस अगोदरच विधानसभा अध्यक्ष के. आर. रमेशकुमार यांनी जेडीएसचे – ३ व काँग्रेसचे – ११ अशा १४ बंडखोर आमदारांना अपात्र घोषित केले होते.

या बंडखोर आमदारांनी पक्षाविरोधात बंड करत राजीनामे दिले होते. परिणामी एच डी कुमारस्वामी यांचे सरकार पडले. यानंतर विधानसभा अध्यक्षांनी अगोदर तीन व नंतर १४ अशा एकूण १७ आमदारांना अपात्र घोषित केले होते. त्यांच्या निर्णयामुळे या सर्व अपात्र आमदारांना २०२३ पर्यंत कोणतीही निवडणूक लढवता येणार नसल्याने, या आमदारांनी निर्णयाविरोधात सर्वोच्च न्यायालयाच दरवाजा ठोठावला आहे.

विधानसभा अध्यक्षांच्या निर्णयानंतर एकूण अपात्र आमदारांची संख्या १७ झाल्यानंतर कर्नाटक विधानसभेची सदस्य संख्या २०७ झाली. त्यानुसार बहुमातासाठी १०४ आमदारांची आवश्यकता होती. भाजपाकडे १०६ आमदारांचे संख्याबळ असल्याने व काँग्रेस आणि जेडीएसकडे १०० आमदारांचे संख्याबळ राहिल्याने, आवाजी मतदानाच्या जोरावर मुख्यमंत्री येडियुरप्पांनी विश्वासदर्शक ठराव जिंकला.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: 14 rebel karnataka congress jds mlas have approached the supreme court msr

Next Story
चीनमधील भूकंपात ५० ठार, १५० जखमी
ताज्या बातम्या