अ‍ॅसिड हल्ल्यात २३ जण जखमी; नळावर पाणी भरण्यावरुन झालेल्या वादातून घडला प्रकार

पाच जणांची प्रकृती चिंताजनक

प्रातिनिधीक छायाचित्र

उत्तर प्रदेशमध्ये अ‍ॅसिड हल्लाची एक खळबळजनक घटना समोर आली आहे. झाशीमधील बसार गावात पाणी भरण्यावरून झालेल्या वादातून गावातील एका गटाने दुसऱ्या गटातील लोकांवर अ‍ॅसिड हल्ला केला. या हल्ल्यामध्ये २३ गावकरी जखमी झाल्याचे वृत्त आहे. जखमींपैकी पाच जणांची प्रकृती चिंताजनक असल्याचे सांगण्यात येत आहे. या घटनेनंतर गावामध्ये तणाव असून या ठिकाणी पोलिसांचा मोठा फैजफाटा तैनात करण्यात आल्याचे आजतकने दिलेल्या वृत्तात म्हटलं आहे.

उल्दन क्षेत्रातील बसार गावात मंगळवारी रात्री नळावर पाणी भरण्यावरून दोन गटांमध्ये जोरदार भांडण झालं. या भांडणाचे रुपांतर हाणामारीत झालं. त्यानंतर एका गटाने गच्चीवरुन खाली उभ्या असलेल्या लोकांवर अ‍ॅसिड फेकले. त्यामध्ये २३ पेक्षा जास्त लोक जखमी झाले आहेत. या संपूर्ण प्रकार उघडकीस आल्यानंतर गावात एकच धावपळ सुरू झाली.

या घटनेची माहिती पोलिसांना देण्यात आल्यानंतर ते तातडीने घटनास्थळी दाखल झाले. स्थानिकांच्या मदतीने जखमींना जवळच्या आरोग्य केंद्रावर उपचारासाठी दाखल कऱण्यात आला आहे. जखमींपैकी पाच जणांची प्रकृती चिंताजनक असल्याने त्यांनी झाशीच्या मेडिकल रुग्णालयात हालवण्यात आलं आहे.

या प्रकरणामध्ये पोलिसांनी चौकशी सुरु केली आहे. आतापर्यंत सहा जणांविरोधात गुन्हा दाखल करण्यात आला. सहा प्रमुख आरोपींपैकी चार जणांना पोलिसांनी ताब्यात घेतलं असून दोन फरार आरोपींचा शोध सुरु आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: 23 injured in acid attack over tap water dispute abn

Next Story
खोबऱ्याच्या तेलाचा वापर टूथपेस्टमध्ये करणे शक्य
ताज्या बातम्या