मोदींच्या ‘मन की बात’ने आकाशवाणीला कोट्यवधींचा फायदा; समोर आली कमाईची आकडेवारी

२०१४ पासून सुरु झालेल्या पंतप्रधान नरेंद्र मोदी यांच्या मन की बात या कार्यक्रमाचे ७८ भाग प्रसारित करण्यात आले आहेत

30 point 80 crore revenue from PM Mann Ki Baat program Information of Central Government in Rajya Sabha
मन की बात कार्यक्रमाबाबत माहिती व प्रसारण मंत्री अनुराग ठाकूर यांनी राज्यसभेत लेखी उत्तर दिले आहे

पंतप्रधान नरेंद्र मोदी यांच्या ‘मन की बात’ या मासिक रेडिओ कार्यक्रमाने २०१४ मध्ये प्रक्षेपण झाल्यापासून ३०.८० कोटी रुपयांची कमाई केली असून २०१-१७-१८ मध्ये १०.६४ कोटी रुपयांची कमाई केल्याची माहिती राज्यसभेत सोमवारी देण्यात आली. ‘मन की बात’ हा कार्यक्रम दर महिन्याच्या शेवटच्या रविवारी सकाळी ११ वाजता अखिल भारतीय रेडिओ आणि दूरदर्शनच्या विविध वाहिन्यांद्वारे प्रसारित केला जातो.

“प्रसार भारती यांनी आल इंडिया रेडिओ आणि दूरदर्शन नेटवर्क आणि सोशल मीडिया प्लॅटफॉर्मवर आतापर्यंत ‘मन की बात’ कार्यक्रमाचे ७८ भाग प्रसारित केले आहेत, अशी माहिती माहिती व प्रसारण मंत्री अनुराग ठाकूर यांनी राज्यसभेत लेखी उत्तरात दिली. हा कार्यक्रम देशभरातील केबल आणि डीटीएच प्लॅटफॉर्मवर सुमारे १९ खासगी उपग्रह टीव्ही वाहिन्यांद्वारे दाखवला जातो अशी माहिती अनुराग ठाकूर यांनी दिली.

मंत्रालयाने आपल्या उत्तरात दिलेल्या आकडेवारीनुसार, २०१-१-15 मध्ये या उपक्रमाला १.१६ कोटी रुपये, २०१४-१५ मध्ये २.८१ कोटी रुपये, २०१५-१६ मध्ये ५.१४ कोटी आणि २०१६-१७ मध्ये १०.६४ कोटी रुपयांची कमाई २०१७-१८ मध्ये झाली. २०१८-१९ मध्ये ७.४७ कोटी रुपये, २०१९-२०२० मध्ये २.५६ कोटी मध्ये आणि २०२०-२१ मध्ये १.०२ कोटी रुपये उत्पन्न मिळवले.

“भारतातील सर्वात लोकप्रिय दूरदर्शनवरील रेडिओ कार्यक्रमात ‘मन की बात’च्या प्रेक्षकांची संख्या मोठी आहे,” असे ठाकूर म्हणाले. टेलिव्हिजन वाहिन्यांच्या ब्रॉडकास्ट ऑडियंस रिसर्च कौन्सिलने (बीएआरसी) मोजलेल्या प्रेक्षकांच्या आकडेवारीनुसार, २०१८ ते २०२० या कालावधीत या कार्यक्रमाच्या दर्शकांची संख्या अंदाजे ६ कोटी ते १४.३५ कोटी इतकी आहे, असेही ते म्हणाले.

“पंतप्रधानांच्या ‘मन की बात’ कार्यक्रमाचे मुख्य उद्दीष्ट म्हणजे रेडिओच्या माध्यमातून देशभरातील जनतेपर्यंत पोहोचणे आहे,” असे ठाकूर यांनी सांगितले.

अनुराग ठाकूर म्हणाले की हा कार्यक्रम प्रत्येक नागरिकाला पंतप्रधानांच्या रेडिओ संबोधनाद्वारे जोडण्याची, सूचना देण्याची आणि शासनाचा भाग होण्याची संधी देखील देतो करतो. प्रसार भारती अंतर्गत स्त्रोतांचा जास्तीत जास्त खर्च न करता ‘मन की बात’ कार्यक्रम तयार करते. असाइनमेंट तत्त्वावर भाषांतरासाठी अंतर्गत कर्मचार्‍यांना कामावर घेतले जाते अशी माहिती ठाकूर यांनी दिली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: 30 point 80 crore revenue from pm mann ki baat program information of central government in rajya sabha abn

Next Story
पेट्रोल, डिझेल, एलपीजी दरात पुढील आठवडय़ात वाढ?
ताज्या बातम्या