तामिळनाडू, पश्चिम बंगाल, केरळ, आसाम आणि पुद्दुचेरीत राजकीय रणधुमाळी; आज जाहीर होणार निवडणूक कार्यक्रम

यासह, सर्व निवडणूक होणाऱ्या राज्यांमध्ये आदर्श आचारसंहिता लागू होईल. मुख्य निवडणूक आयुक्त ज्ञानेश कुमार यांच्या नेतृत्वाखालील निवडणूक आयोगाच्या पॅनलद्वारे अधिसूचना, उमेदवारांसाठी नामांकन दाखल करणे, नामांकन मागे घेणे, मतदान आणि निवडणूक निकाल जाहीर केले जातील.

सध्या सर्वांचे लक्ष पश्चिम बंगाल विधानसभा निवडणुकीवर असणारा आहे. जिथे तीनपेक्षा जास्त टप्प्यात निवडणुका होण्याची शक्यता आहे, बहुतेक राजकीय पक्ष या विषयावर एकमत झाले आहेत. शिवाय, भाजपने निवडणूक आयोगाला सांगितले आहे की २०२१ प्रमाणे सात किंवा आठ टप्प्यात निवडणुका घेणे योग्य किंवा व्यावहारिक असू शकत नाही.

सध्याच्या १७ व्या पश्चिम बंगाल विधानसभेचा कार्यकाळ ७ मे २०२६ रोजी संपत आहे. या कारणास्तव, नवीन विधानसभा निवडणुका मार्चच्या अखेरीस किंवा एप्रिलच्या सुरुवातीला होण्याची शक्यता आहे, जेणेकरून ७ मे पूर्वी नवीन विधानसभा स्थापन करता येईल.

भाजपचीही जोरदार तयारी!

गेल्या काही महिन्यांपासून विविध राजकीय पक्षांकडून निवडणुका होणाऱ्या राज्यात जय्यत तयारी केली जात आहे. यामध्ये भाजपाने दक्षिणेतील राज्यात सत्ता मिळवण्यासाठी मोठे प्रयत्न सुरू केले आहे. तर प्रादेशिक पक्षही या निवडणुकीसाठी जोरदार तयारी करत आहेत. काही दिवसांपूर्वी पंतप्रधान नरेंद्र मोदींनी पश्चिम बंगालमधील मतदारांना खुले पत्र लिहले होते. तसेच केरळ, पश्चिम बंगाल आणि आसामध्ये मोदींनी विविध विकासकामांची पायाभरणी आणि उद्घाटन केले आहे.

पश्चिम बंगालमध्ये तृणमूल सलग तिसऱ्यांदा बाजी मारणार?

पश्चिम बंगाल, तमिळनाडू, केरळ, आसाम ही चार राज्ये आणि पुदुच्चेरी या केंद्रशासित प्रदेशात विधानसभा निवडणूकीची तारीख आज जाहीर होईल. आसाममध्ये भाजप तर पुदुच्चेरीत भाजपप्रणीत राष्ट्रीय लोकशाही आघाडीची सत्ता आहे. पश्चिम बंगालमध्ये तृणमूल काँग्रेस हॅटट्रिकसाठी रणनीती आखत असून तमिळनाडूत द्रमुक सलग दुसऱ्यांदा सत्तेत येण्यासाठी मोर्चेबांधणी करत आहे. केरळमध्ये गेल्या वेळी सलग दुसऱ्यांदा मार्क्सवादी कम्युनिस्ट पक्षाच्या नेतृत्वात डाव्या आघाडीला सत्ता मिळाली होती.