उत्तराखंडच्या उत्तरकाशीमधील सहस्त्रताल शिखरावर चढाई करण्यासाठी गेलेल्या गिर्यारोहकांच्या मोठ्या समूहातील नऊ जणांचा खराब हवामानामुळे मृत्यू झाला आहे. ४,४०० मीटर उंचीवर असलेल्या सहस्त्रताल शिखर आणि आसपासच्या परिसरात गेल्या काही दिवसांपासून वातावरण खराब आहे. याच दरम्यान, महाराष्ट्र आणि कर्नाटकमधील काही गिर्यारोहकांचा एक मोठा समूह या शिखरावर चढाई करण्यासाठी गेला होता. त्यांच्याबरोबर एक स्थानिक मार्गदर्शकही होता. दरम्यान, खराब वातावरणामुळे या समुहातील गिर्यारोहकांचा मार्ग भरकटला. दाट धुखं आणि बर्फवर्षावामुळे या गिर्यारोहकांना २ जून रोजी कोखली टॉपच्या बेस कॅम्पजवळ रात्र काढावी लागली.

थंडीमुळे गिर्यारोहकांच्या या समूहातील चार महिलांसह पाच जणांची प्रकृती खालावून मृत्यू झाला. याबाबतची माहिती मिळताच स्थानिक प्रशासनाने जमिनीवरून आणि हवाई मार्गाने बचावकार्याला सुरुवात केली. हवाई दल, एसडीआरएफ आणि खासगी हेलिकॉप्टरच्या मदतीने या गिर्यारोहकांना वाचवण्यासाठी बचाव मोहिम हाती घेण्यात आली. दरम्यान, या बचाव पथकांना काही प्रमाणात यश मिळालं असून त्यांनी या गिर्यारोहकांच्या समूहातील ११ जणांची सुटका केली आहे.

Ambazari, Nagpur, housing project,
प्रकल्प अवैध, तरी प्रशासनाची डोळेझाक! नागपूरच्या अंबाझरीतील गृहप्रकल्पावर पर्यावरणवाद्यांचा आक्षेप
crime news ias office wife eloped with gangster
गँगस्टरबरोबर पळून गेलेल्या IAS अधिकाऱ्याच्या पत्नीची आत्महत्या, मुख्यमंत्र्यांसाठी लिहिले पत्र! चक्रावून टाकणारं नेमकं प्रकरण वाचा
Bhayander, Former corporators, video
भाईंदर : माजी नगरसेविकांचा गोव्यातील व्हिडीओ व्हायरल, कारवाईच्या मागणीसाठी पोलीस ठाण्यात घेराव
missing complaint of guardian minister vijaykumar gavit
पालकमंत्री बेपत्ता! थेट पोलीस ठाण्यात तक्रार; कुठे घडला हा प्रकार? वाचा…
Due to the stress while doing the work the revenue employees of Buldhana district and the state were annoyed Buldhana
‘लाडकी बहीण’चा भार, मागण्यांकडे दुर्लक्ष करते सरकार; महसूल कर्मचारी वैतागले
Investigation closed by ED too Failure to trace the source of income in the offenses against the vicar
‘ईडी’कडूनही तपास बंद? वायकर यांच्या विरोधातील गुन्ह्यांत उत्पन्नाचा स्राोत शोधण्यात अपयश
Yavatmal, Moneylender, kidnapped,
यवतमाळ : सावकाराचे अपहरण केले, खंडणीची रक्कम ठरली, हातात नोटांची पिशवी येणार एवढ्यात…
Thane Citizens, Thane Citizens Protest Aggressive Bike Towing, Police Seek Rule Adherence, thane news,
टोईंग कारवाईच्या त्रासामुळे ठाणेकर हैराण ठाण्यातील सुजान नागरिकांचे टोईंगविरोधात आंदोलन, जागोजागी जनजागृती

एसडीआरएफमधील वरिष्ठ अधिकारी मणिकांत मिश्रा म्हणाले, ४ गिर्यारोहक अद्याप बेपत्ता आहेत. आम्ही या बेपत्ता गिर्यारोहकांचा शोध घेत आहोत. मात्र खराब वातावरणाने पाच गिर्यारोहकांचा बळी घेतला आहे. आशा (७१), सिंधू (४५), सुजाता (५१), चित्रा परिणित (४८) आणि विनायक (५४) अशी मृत्यूमुखी पडलेल्या पाच गिर्यारोहकांची नावं आहेत. या गिर्यारोहकांचा समूहाचा गाईड आणि इतर चार जण अद्याप बेपत्ता आहेत. आम्ही त्यांना शोधण्याचा प्रयत्न करत आहोत.” याआधी उत्तरकाशीमधील द्रौपदी दांडा-२ येथे हिमस्खलनामुळे २७ जणांचा मृत्यू झाला होता.

हे ही वाचा >> केजरीवाल यांना जामीन देण्यास नकार; न्यायालयीन कोठडीत १९ जूनपर्यंत वाढ

मणिकांत मिश्रा म्हणाले, खराब हवामानामुळे बचावकार्यात अडथळे येत आहेत. गिर्यारोहकांना शोधण्यासाठी पाठवलेल्या एसडीआरएफच्या पथकाला घटनास्थळी पोहोचण्यात अनेक अडचणी येत आहेत. त्याचबरोबर बुधवारी झालेल्या मुसळधार पावसामुळे आणि हिमालयीन भागातील खराब वातावरणामुळे हेलिकॉप्टरद्वारे बचाव मोहीम राबवता येत नाहीये. ३५ किलोमीटरच्या या अवघड हिमालयीन ट्रेकवर बचाव पथकांना पोहोचण्यातही अडथळे येत आहेत. त्यामुळे आम्ही हवाई दलाची मदत घेत आहोत. हवाई दलाने बुधवारी सकाळी सुरू केलेली शोध आणि बचाव मोहीम गुरुवारी सकाळीदेखील चालू ठेवण्यात आली आहे.

पाच गिर्यारोहकांचे मृतदेह बचाव पथकांना सापडले आहेत. इतर चार जणांचा मृतदेह शोधण्याचं कामही चालू आहे.