तेलंगणात जवळपास १०० तरुणांनी घरात घुसून २४ वर्षीय डॉक्टर तरुणीचं अपहरण केल्याची धक्कादायक घटना समोर आली आहे. रंगा रेड्डी जिल्ह्यात ही घटना घडली आहे. आरोपींनी मुलीच्या घराबाहेर धुडगूस घालत गाड्यांची तोडफोड केली. तसंच तरुणीच्या वडिलांनाही बेदम मारहाण केली. या घटनेचा व्हिडीओ सध्या सोशल मीडियावर व्हायरल झाला आहे.

अपहरण करण्यात आलेली तरुणीचं नाव वैशाली असून, ती डॉक्टर आहे. वैशालीचा साखरपुडा ठरला होता. त्याच्या आधीच शुक्रवारी हा सर्व प्रकार घडला. घटनेची माहिती मिळताच पोलीस घटनास्थळी दाखल झाले होते. याप्रकरणी पोलिसांनी एफआयआर दाखल केला असून, आरोपींना पकडण्यासाठी पथकं तयार करण्यात आली आहेत. सीसीटीव्ही फुटेजच्या माध्यमातून पोलीस आरोपींची ओळख पटवत आहेत.

आणखी वाचा
Former corporator Leena Garad suspended by BJP joins Thackeray groups Shiv Sena
भाजपच्या निलंबीत माजी नगरसेविकेचा ठाकरे गटाच्या शिवसेनेत प्रवेश
AAP MP Sanjay Singh
“केजरीवालांचा तुरुंगात छळ होतोय”, आप खासदार संजय सिंहांचा आरोप; म्हणाले, “त्यांच्या पत्नीलाही…”
Girl organ donation
शेतमजूर कुटुंबाचा धाडसी निर्णय; मुलीच्या अवयवदानातून…
clemen lobo arrested after 36 years in salim cassetwala murder case
वसईतील प्रसिध्द सलीम कॅसेटवाला हत्या प्रकरण; फरार आरोपी क्लेमेन लोबोला ३६ वर्षांनी अटक

वैशालीच्या कुटुंबाने दिलेल्या माहितीनुसार, जवळपास १०० तरुण घऱात घुसले आणि घरात तोडफोड करण्यास सुरुवात केली. यानंतर त्यांनी मुलीचं अपहरण केलं.

वैशालीच्या आईने दिलेल्या माहितीनुसार “मुलीवर जबरदस्ती करत तिला घऱाबाहेर ओढत नेलं आणि कारमध्ये बसवून घेऊन गेले. पोलिसांनी काहीच केलं नाही. माझ्या मुलीचं अपहरण करण्यात आलं असून, हे पाप आहे. ते माझ्या मुलीसोबत काय करतील? हा अन्याय आहे”.

पोलिसांनी याप्रकरणी चौकशी सुरु असल्याचं सांगितलं आहे. “घटनेची चौकशी करण्यासाठी आम्ही पथकं विभागली असून सर्व बाजू तपासत आहोत. हा अत्यंत गंभीर गुन्हा असून आम्ही सर्व परीने प्रयत्न करत आहोत. आम्ही पीडित कुटुंबाकडून सर्व माहिती घेतली असून सध्या त्यानुसार तपास सुरु आहे,” अशी माहिती अतिरिक्त पोलीस आयुक्त सुधीर बाबू यांनी दिली आहे.