‘आप’ स्त्रीला माणूस मानत नाही

माजी राजनैतिक अधिकारी आणि आम आदमी पक्षाच्या संस्थापक सदस्या मधू भादुरी यांनी ‘आप’ली नाराजी व्यक्त करीत पक्षापासून दूर होण्याचा निर्णय घेतला आह़े   शुक्रवारी पक्षाच्या राष्ट्रीय बैठकीत दिल्लीचे विधीमंत्री सोमनाथ भारती यांच्या कृत्याचा निषेध करणारा प्रस्ताव मांडू न दिल्यामुळे त्यांनी हा निर्णय घेतला आह़े  तसेच पक्ष स्त्रीला माणूसच मानत नसल्याची जळजळीत टीकाही त्यांनी केली आह़े
परदेशी महिलेच्या घरावर मध्यरात्री बेकायदेशीररित्या छापा घातल्याप्रकरणी सोमनाथ भारती सध्या वादाच्या भोवऱ्यात सापडले आहेत़  या कृत्याचा निषेध करण्यात यावा, असा प्रस्ताव भादुरी यांना मांडायचा होता़  त्यांना तशी अधिकृत विनंती २३ जानेवारी रोजीच पक्षाला केली होती़  नौदलाचे निवृत्त प्रमुख रामदास यांनाही त्याबद्दल माहिती होती़  पक्षाच्या अधिवेशनाच्या दिवशीही त्यांनी बोलण्याची परवानगी मागितली़  मात्र त्यांनी बोलायला सुरुवात करताच त्यांना थोपविण्यात आले, असा त्यांचा आरोप आह़े
दरम्यान, ‘आप’ने रविवारी हा आरोप फेटाळून लावला आह़े  सदस्यांना त्यांची गाऱ्हाणी मांडण्यास सांगण्यात आले होत़े  तसेच पक्षाच्या प्रगतीसाठी सूचनाही करण्याचे आवाहन करण्यात आले होत़े  मधू यांनीसुद्धा त्यांचा मुद्दा मांडण्याचा प्रयत्न केला़  त्यांना व्यासपीठावर येऊन बोलण्यासही सांगण्यात आल़े  परंतु, त्या जे सांगत होत्या त्याच्याशी पक्ष सहमत नव्हता आणि तो विषय बैठकीच्या कार्यसूचीवरही नव्हता़  त्यामुळे त्यांना थांबण्यास सांगण्यात आल़े  कारण इतर लोक त्यांची मते मांडण्यासाठी वाट पाहात होते, असे सोयीस्कर स्पष्टीकरण या प्रकरणी ‘आप’चे प्रवक्ते दिलीप पांडे यांनी दिले आह़े
यापुढे  मी आप सोबत नसेऩ  मात्र पक्ष सोडण्याचा प्रश्न उद्भवत नाही़  कारण मी पक्षात कोणत्याही पदावर नाही़  या घटनेमुळे मी रागावलेली नाही़  परंतु, पक्षाचे असे वागणे निराशाजनक आणि भ्रमनिरास करणारे होत़े  भारती यांची हकालपट्टी व्हावी की नाही याच्याशी मला काहीही घेणेदेणे नाही़  मी केवळ मानवतावादी दृष्टिकोनातून ही मागणी करीत होते आणि स्त्रियासुद्धा माणूसच आहेत़  परंतु, हा पक्ष स्त्रीला माणूसच मानायला तयार नाही, अशी जळजळीत टीका भादुरी यांनी या प्रकरणानंतर केली आह़े