दिल्लीचे मुख्यमंत्री अरविंद केजरीवाल हे सध्या तिहार तुरुंगात न्यायालयीन कोठडी भोगत आहेत. यादरम्यान, आम आदमी पार्टीचे खासदार संजय सिंह यांनी दावा केला आहे की, केजरीवाल यांचा तुरुंगात छळ केला जात आहे. संजय सिंह यांनी काही वेळापूर्वी पत्रकार परिषद घेऊन केंद्र सरकारवर गंभीर आरोप केले. सिंह म्हणाले, मोदी सरकार अरविंद केजरीवालांचं मनोबल तोडण्यासाठी खालच्या थराला गेलं आहे. नियमांनुसार आणि जेल मॅन्युअलनुसार (तुरुंगाची नियमावली) तुरुंग प्रशासन तुरुंगातील कैद्यांना त्यांचे नातेवाईक आणि इतरांना समोरासमोर भेटू देतं. नातेवाईक आणि मित्रांना समोरासमोर भेटण्याचा कैद्यांना अधिकार आहे. मात्र केजरीवाल हे त्यांच्या पत्नीलादेखील भेटू शकत नाहीयेत. त्यांना खिडकीतून बोलावं लागतंय.

संजय सिंह म्हणाले, तुरुंग प्रसाशन मुख्यमंत्र्यांना त्यांच्या पत्नीलादेखील भेटू देत नाहीयेत. काचेच्या खिडकीतून ते एकमेकांना पाहू शकतात आणि थोडा वेळ बोलू शकतात. मी जबाबदारीने सांगतोय की, अनेक कुख्यात गुंड आणि मोठ्या गुन्हेगारांचे नातेवाईक आणि मित्र त्यांना बराकीत जाऊन भेटतात. परंतु, तीन वेळा निवडून आलेल्या मुख्यमंत्र्यांना त्यांची पत्नी बराकीत जाऊन भेटू शकत नाही. हा अत्याचार आहे.

What Sharad Pawar Said?
शरद पवारांचं वक्तव्य, “मी कधीही मुलगी आणि पुतण्या भेद केला नाही, आत्तापर्यंत अजित पवारांना..”
Sharad Pawar, modi,
इंग्रजांना घालवले तर मोदी काय चीज? शरद पवार यांचा सवाल
supriya sule ajit pawar latest news
“दमदाटी करणाऱ्यांना विनम्रपणे सांगायचंय की…”, सुप्रिया सुळेंचा टोला; अजित पवारांना प्रत्युत्तर!
AJit Pawar vs Supriya Sule
“मी त्यांचा मुलगा नसल्याने संधी मिळाली नाही”, अजित पवारांच्या वक्तव्यावर सुप्रिया सुळे म्हणाल्या, “माझी कारकीर्द…”
Ajit pawar on sharad pawars
“८४ वर्षांच्या योद्ध्याला तुम्ही लढायला लावताय”, अजित पवारांची शरद पवार गटाच्या नेत्यांवर टीका; म्हणाले “त्यांना बोलताना…”
What Ajit pawar Said?
अजित पवार यांनी शरद पवारांच्या आरोपांना दिलं उत्तर, “मी जर इतका भ्रष्टाचारी, नालायक आणि…”
abhishek banerjee challenges amit shah
“हिंमत असेल तर माझ्या विरोधात निवडणूक लढवून दाखवा”, ममता बॅनर्जींच्या पुतण्याचे अमित शाह यांना आव्हान; म्हणाले, “जी व्यक्ती…”
sharad pawar replied to narendra modi
नरेंद्र मोदींच्या ‘अतृप्त आत्मा’ टीकेवर शरद पवारांचे प्रत्युत्तर; म्हणाले, “त्यांचे म्हणणं खरं आहे, पण…”

संजय सिंह पत्रकार परिषदेत म्हणाले, तुरुंग प्रशासनाने टोकन नंबर ४१५२ जारी करून आम्हाला सांगितलं की, भगवंत मान आणि संजय सिंह हे टोकन दाखवून केजरीवाल यांना भेटू शकतात. परंतु, रात्री आम्हाला एक मेल आला की सुरक्षेच्या कारणास्तव भगवंत मान आणि संजय सिंह केजरीवालांना भेटू शकत नाहीत. सरकारच्या सांगण्यावरून तुरुंग प्रशासन भगवंत मान आणि अरविंद केजरीवाल यांचा अपमान करण्याचा प्रयत्न करत आहे.

दरम्यान, २१ मार्च रोजी केजरीवाल यांना अटक झाल्यापासून आतापर्यंत त्यांचं वजन ४.५ किलोने कमी झाल्याचा दावा आदमी पक्षाने केला आहे. तर, अरविंद केजरीवाल यांना अटक झाल्यानंतर त्यांचं वजन घटलेलं नाही, उलट १ किलोने वाढलं आहे, असा दावा दिल्लीतील भाजपाचे विरोधी पक्षनेते रामवीर सिंह बिधुरी यांनी केला आहे.