उत्तर प्रदेशात थंडीमुळे आणखी १५ मृत्युमुखी

उत्तर प्रदेशात आलेली थंडीची जोरदार लाट कायम असून या थंडीने आणखी १५ जणांचा बळी घेतला आहे. त्यामुळे यंदा थंडीमुळे मृत्युमुखी पडलेल्यांची संख्या १०७ वर पोहोचली आहे.

उत्तर प्रदेशात आलेली थंडीची जोरदार लाट कायम असून या थंडीने आणखी १५ जणांचा बळी घेतला आहे. त्यामुळे यंदा थंडीमुळे मृत्युमुखी पडलेल्यांची संख्या १०७ वर पोहोचली आहे.
मुझफ्फरनगर येथे चार, मथुरा येथे तीन, आग्रा, इटाह आणि बुलंदशहर येथे प्रत्येकी दोन आणि बाराबंकी आणि मिर्झापूर येथे प्रत्येकी एक बळी थंडीने घेतला आहे. उत्तर प्रदेशातील पश्चिमेकडील जिल्ह्य़ांमध्ये कमाल तापमान ४ ते १० अंशांपेक्षाही कमी होते. मोरादाबाद, आग्रा आणि मेरठ विभागांमध्ये रात्रीचे तापमान सामान्यपेक्षाही कमी होते. गोरखपूर, लखनऊ, बरेली येथेही तापमान सामान्यपेक्षाही कमी होते. मुझफ्फरनगर येथे सर्वात कमी म्हणजेच ०.६ अंश सेल्सिअस तापमानाची नोंद करण्यात आली. उत्तर प्रदेशातील पश्चिमेकडील भागांमध्ये काही ठिकाणी दाट धुके पसरले होते. पुढील ४८ तासांतही दाट धुके पडण्याची शक्यता हवामान विभागाने वर्तविली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Again 15 got died in uttar pradesh because of winter

ताज्या बातम्या