scorecardresearch

Premium

CCTV VIDEO : उपनिरीक्षकाच्या बंदुकीतून सुटली गोळी, पोलीस ठाण्यात आलेल्या महिलेच्या डोक्यात घुसली; नातेवाईक म्हणाले, “पैशांसाठी…”

महिलेला गोळी लागल्यानंतर बेजबाबदार पोलीस उपनिरिक्षक मनोज शर्मा फरार झाले आहेत. पोलीस अधीक्षकांनी त्यांच्या मागावर एक पोलीस पथक पाठवलं आहे.

woman mistakenly shot in her head with a pistol belonging to a Sub-Inspector
या घटनेचा सीसीटीव्ही व्हिडीओ समोर आला आहे. (PC : Amitabh Chaudhary/X)

उत्तर प्रदेशच्या अलीगडमधील एका पोलीस ठाण्यात पोलिसाच्या बंदुकीतून चुकून सुटलेली गोळी लागून एक महिला गंभीर जखमी झाली आहे. जखमी महिलेला उपचारांसाठी जवळच्या रुग्णालयात दाखल करण्यात आलं असून तिची परिस्थिती नाजूक आहे. याप्रकरणी मिळालेल्या माहितीनुसार ही महिला अलीगड कोतवाली नगर पोलीस ठाण्यात पासपोर्ट व्हेरिफिकेशन करण्यासाठी आली होती. पोलिसाच्या टेबलसमोर ती उभी असतानाच पोलीस ठाण्यात तैनात असलेले पोलीस उपनिरीक्षक मनोज शर्मा यांच्या सरकारी बंदुकीतून गोळी झाडली गेली. बंदुकीतून सुटलेली ही गोळी महिलेच्या डोक्याजवळ कानाच्या वर लागली.

दरम्यान, बेजबाबदार पोलीस उपनिरीक्षक मनोज शर्मा सध्या फरार आहेत. वरीष्ठ पोलीस अधीक्षकांनी मनोज शर्मा यांना निलंबित केलं आहे. तसेच शर्मा यांच्याविरोधात गुन्हा दाखल करून त्यांना शोधण्याचे आदेश दिले आहेत.

PM Narendra Modi
”नव्या सर्वोच्च न्यायालयाच्या संकुलासाठी ८०० कोटी मंजूर”, मोदी म्हणाले, ”नवीन संसद भवनाप्रमाणे…”
Student organizations protest against Governor Arif Mohammad Khan in Kerala
केरळच्या राज्यपालांचे रस्त्यावरच दोन तास ठाण; ‘एसएफआय’च्या निदर्शनांनंतर केंद्राकडून झेड सुरक्षा
bombay hc quashes fir against college student for rash driving that killed stray dog
वाहनाखाली चिरडून भटक्या श्वानाचा मृत्यू; आरोपी विद्यार्थ्याच्या शैक्षणिक कारकिर्दीवर परिणाम नको, न्यायालयाकडून गुन्हा रद्द
students
विद्यार्थ्यांच्या ओळखपत्रावर आता लाल किंवा हिरव्या रंगाचा ठिपका, शिक्षण विभागाचा नवा निर्णय काय? वाचा सविस्तर

या घटनेचा सीसीटीव्ही व्हिडीओ समोर आला आहे. ही घटना शुक्रवारी दुपारी २.३० वाजता घडल्याचं सांगितलं जात आहे. या दुर्घटनेत जखमी झालेल्या महिलेचं नाव इशरत जहाँ असं असून ती पोलीस ठाण्यात पासपोर्ट व्हेरिफिकेशनसाठी आली होती. इशरत जहाँ या त्यांचा मुलगा इशानबरोबर पोलीस ठाण्यात गेल्या होत्या.

सीसीटीव्ही व्हिडीओमध्ये दिसतंय की इशरत जहाँ आणि त्यांचा मुलगा इशान एका टेबलजवळ उभे रहून पोलिसाची वाट पाहत होते. त्याचवेळी मनोज शर्मा तिथे आले. तसेच त्यांचा सहकारी पोलीस त्यांचं पिस्तूल घेऊन तिथे आला. सहकाऱ्याने शर्मा यांच्याकडे पिस्तूल सोपवलं. शर्मा यांनी ती बंदूक लोड केली. केवळ बंदूक लोड करून ते थांबले नाहीत तर त्यांनी कुठलाही विचार न करता ट्रिगरही दाबला. त्यानंतर बंदुकीतून सुटलेली गोळी इशरत जहाँ यांच्या डोक्यात घुसली.

स्थानिकांचा पोलिसांविरोधात आक्रोश

इशरत जहाँ यांना गोळी लागल्यानंतर मनोज शर्मा यांनी बंदूक टेबलवर ठेवली आणि इशरत जहाँ यांच्याजवळ गेले. तोवर त्या जमिनीवर कोसळल्या होत्या. गोळीचा आवाज ऐकून पोलीस ठाण्यात गर्दी जमली. गर्दीचा फायदा घेत मनोज शर्मा तिथून फरार झाले. मनोज शर्मा यांना अटक करावी यासाठी पोलीस ठाण्यात लोकांनी गोंधळ घातला. तसेच पोलिसांविरोधात घोषणा दिल्या. पोलीस ठाण्यातला लोकांचा गोंधळ पाहून अतिरिक्त पोलीस कुमक बोलवावी लागली. दरम्यान, गंभीर जखमी झालेल्या इशरत जहाँ यांना जे. एन. वैद्यकीय महाविद्यालयात दाखल करण्यात आलं आहे.

पोलिसांनी पैसे मागितल्याचा आरोप

दरम्यान, इशरत जहाँ यांच्या कुटुंबियांनी आरोप केला आहे की, पासपोर्ट व्हेरिफिकेशन विभागाच्या प्रभारी अधिकाऱ्याने पैसे मागितले होते. पैशांवरून इशरत यांचे कुटुंबीय आणि अधिकाऱ्यांमध्ये बाचाबाचीदेखील झाली होती. त्यामुळेच अधिकाऱ्याने इशरत जहाँ यांच्यावर गोळी झाडली. इशरत जहाँ यांचे नातेवाईक झिशान एनडीटीव्हीला म्हणाले, इशरत जहाँ पासपोर्ट व्हेरिफिकेशनसाठी पोलीस ठाण्यात गेल्या होत्या. त्यांना सातत्याने पैशांसाठी फोन येत होते. त्यांना गोळी का मारली किंवा पैशांच्या मागणीबाबत मला फार काही माहिती नाही.

हे ही वाचा >> पाच वर्षांत ४०३ भारतीय विद्यार्थ्यांचा परदेशात मृत्यू; ‘या’ देशात सर्वाधिक विद्यार्थी मृत्यूमुखी

दरम्यान, याप्रकरणी वरिष्ठ पोलीस अधीक्षक कलानिधी नैथानी म्हणाले, आरोपी मनोज शर्मा फरार आहेत. एक पोलीस पथक त्यांच्या मागावर पाठवलं आहे. इशरत जहाँ यांच्या कुटुंबीयांच्या फिर्यादीनुसार शर्मा यांच्याविरोधात गुन्हा दाखल करण्यात आला आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Aligarh cop accidentally shot woman in police station cctv video viral asc

First published on: 09-12-2023 at 10:33 IST

संबंधित बातम्या

तुम्ही या बातम्या वाचल्या आहेत का? ×