जम्मू-काश्मीरमधील गुरेझ सेक्टरमधील बरूम भागात भारतीय लष्कराचे चीता हेलिकॉप्टर कोसळले आहे. हेलिकॉप्टर क्रूच्या बचावासाठी सुरक्षा दलांचे शोध पथक बर्फाच्छादित भागात पोहोचले आहे. हेलिकॉप्टर अपघाताचे कारण आणि यामध्ये काही जीवितहानी झाली आहे की नाही, याबाबत अद्याप माहिती समजू शकलेली नाही. असे लष्कराच्या अधिकाऱ्यांनी सांगितले आहे. तसेच, एका आजारी बीएसएफ जवानाला घेऊन जाणारे चीता हेलिकॉप्टर टेक ऑफ केल्यानंतर लगेचच कोसळले. हा भाग पाकिस्तानच्या नियंत्रण रेषेजवळ असल्याची देखील माहिती समोर आली आहे.