अनिल अंबानी यांची बँक खाती फसवी; उच्च न्यायालयाचा निर्णय सर्वोच्च न्यायालयाकडून कायम

उच्च न्यायालयाच्या २३ फेब्रुवारीच्या आदेशाला आव्हान देणार्‍या अंबानींच्या तीन वेगवेगळ्या याचिकांवर सुनावणी करताना न्यायालयाने हा आदेश दिला.

सरन्यायाधीश सूर्य कांत, न्यायमूर्ती जॉयमाल्या बागची आणि न्यायमूर्ती विपुल एम. पांचोली यांच्या खंडपीठासमोर सुनावणी झाली. खंडपीठाने अंबानींना त्यांची खाती फसवी म्हणून घोषित करण्यासाठी बँकांनी बजावलेल्या ‘कारणे दाखवा’ नोटिशींविरुद्ध उच्च न्यायालयाच्या एकल खंडपीठासमोर दाद मागण्याची परवानगी दिली आहे. बँकांनी बजावलेल्या या नोटिशींविरुद्ध अंबानींनी केलेल्या याचिकेवर एकल खंडपीठाने लवकरात लवकर निर्णय घ्यावा, असे निर्देशही सर्वोच्च न्यायालयाने केली आहे.