जम्मू काश्मीरच्या उधमपूर जिल्ह्यात आणखी एक रहस्यमय स्फोट झाला आहे. बस स्थानकात उभ्या असलेल्या बसमध्ये गुरुवारी सकाळी हा स्फोट झाला. गेल्या आठ तासातील अशा प्रकारचा हा दुसरा स्फोट आहे. सुदैवाने, या स्फोटात कोणीही जखमी झालेलं नाही. जम्मू काश्मीर पोलीस आणि इतर सुरक्षा यंत्रणा घटनास्थळी दाखल झाल्या आहेत. बुधवारी रात्री १० वाजून ४५ मिनिटांच्या सुमारास अशाच प्रकारचा स्फोट झाला होता. डोमेल चौकातील बसमध्ये झालेल्या या स्फोटात दोघे जखमी झाले होते. येथून फक्त चार किमी अंतरावर असणाऱ्या ठिकाणी दुसरा स्फोट झाला आहे. पोलीस सध्या तपास करत आहेत.
