दिल्लीचे मुख्यमंत्री अरविंद केजरीवाल यांची १५ दिवसांसाठी न्यायालयीन कोठडीत रवानगी होणार आहे. १५ एप्रिलपर्यंत त्यांना तिहार तुरुंगात ठेवलं जाईल. अंमलबजावणी संचालनालयाने केजरीवाल यांची १५ दिवसांची कोठडी मागितली होती. राऊस अ‍ॅवेन्यू कोर्टाने ही मागणी मान्य केली आहे. अतिरिक्त महाधिवक्ते एस. व्ही. राजू हे ईडीकडून न्यायालयासमोर हजर होते. त्यांनी न्यायालयाकडे केजरीवाल यांच्या १५ दिवसांच्या न्यायालयीन कोठडीची मागणी केली होती. कारण केजरीवालांनी चौकशीत कुठल्याही प्रकारचं सहकार्य केलं नाही. त्यांना विचारलेल्या प्रत्येक प्रश्नावर ‘मला माहिती नाही’ एवढंच उत्तर दिलं, असं ईडीने म्हटलं आहे.

ईडीला दिल्लीच्या कथित मद्य धोरण घोटाळ्याचा तपास पुढे न्यायचा आहे. त्यामध्ये केजरीवाल यांनी सहकार्य करणं, इडीकडे असलेल्या प्रश्नांची उत्तरं देणं आवश्यक आहे. हे मुद्दे राजू यांनी न्यायालयासमोर मांडल्यानंतर न्यायालयाने केजरीवाल यांना १५ दिवसांच्या न्यायालयीन कोठडीत ठेवण्याचे आदेश दिले आहेत.

Nagpur, Auto, Auto rickshaw drivers association,
नागपूर : ‘त्या’ ऑटो चालकाविरुद्ध ऑटोरिक्षा चालक संघटना सरसावली
dr Narendra Dabholkar murder case marathi news
डाॅ. नरेंद्र दाभोलकर हत्या प्रकरणातील तपास अधिकाऱ्यांचा निष्काळजीपणा; विशेष न्यायालयाने तपास अधिकाऱ्यांना सुनावले
आरटीई कायद्यातील दुरुस्तीला उच्च न्यायालयाची स्थगिती, एक किमी परिघातील खासगी शाळांना सूट देण्यावर बोट
love jihad, Bhayander, Woman arrested,
लव्ह जिहादची धमकी देऊन मागितली ३० लाखांची खंडणी, भाईंदरमध्ये महिलेला अटक
unnatural sex is not rape
पतीने पत्नीशी अनैसर्गिक संबंध प्रस्थापित करणं बलात्कार नाही, संमतीचीही आवश्यकता नाही; उच्च न्यायालयाचा निर्णय
Governor, MLA, Court,
उद्या कोणी याचिका करून पद्म पुरस्काराची मागणी करेल, उच्च न्यायालयाचे हस्तक्षेप याचिका करणाऱ्यांना खडेबोल
Do Anjali Damania and Suhas Kande have the right to challenge the acquittal Chhagan Bhujbals question in HC
महाराष्ट्र सदन प्रकरण : दोषमुक्तीला आव्हान देण्याचा अधिकार दमानिया, कांदे यांना आहे का? उच्च न्यायालयातील सुनावणीदरम्यान भुजबळ यांच्याकडून प्रश्न उपस्थित
pm narendra modi
मोदींना सहा वर्षांसाठी अपात्र ठरवण्याची मागणी करणारी याचिका न्यायालयाने फेटाळली; न्यायमूर्ती म्हणाले…

एस. व्ही. राजू म्हणाले, केजरीवाल यांनी ईडीच्या अधिकाऱ्यांना त्यांच्या फोनचा पासवर्ड सांगण्यास नकार दिला. त्यांनी इतर कुठल्याही डिजीटल डिव्हाईसचे पासवर्ड दिले नाहीत. ते कुठल्याही प्रश्नाचं योग्य उत्तर देत नाहीयेत. ते केवळ उडवाउडवीची उत्तरं देत आहेत. त्यांना कुठलाही प्रश्न विचारला तर त्यावर ते मैं नहीं जानता (मला माहिती नाही) एवढचं उत्तर देत आहेत.

दरम्यान, केजरीवाल यांनी तुरुंगात त्यांच्याजवळ भगवद्गीता, रामायण हे दोन ग्रंथ ठेवण्याची परवानगी मागितली आहे. तसेच ‘हाऊ प्राईम मिनिस्टर्स डिसाईड्स’ (How Prime Ministers Decide) हे पुस्तकदेखील त्यांना त्यांच्याजवळ हवं आहे. केजरीवाल तुरुंगातील १५ दिवसांमध्ये हे दोन ग्रंथ आणि पंतप्रधानांबाबतचं पुस्तक वाचतील. यासह त्यांनी तुरुंगात धार्मिक लॉकेट परिधान करण्याची परवानगी मागितली आहे. केजरीवालांनी त्यांची नियमित औषधं आणि विशेष डाएटचीदेखील मागणी केली आहे.

न्यायालयात हजर राहण्यापूर्वी केजरीवालांची पंतप्रधानांवर टीका

ईडीच्या अधिकाऱ्यांनी केजरीवाल यांना आज न्यायालयासमोर हजर केलं. तत्पूर्वी न्यायालयाबाहेर प्रसारमाध्यमांनी केजरीवाल यांच्याशी बातचीत करण्याचा प्रयत्न केला. यावेळी केजरीवाल म्हणाले, पंतप्रधान मोदी जे काही करतायत ते चुकीचं आहे.

हे ही वाचा >> “भाजपात सहभागी होण्यासाठी ५ कोटींची ऑफर”, आप आमदाराची पोलिसात तक्रार; गुन्हा दाखल

केजरीवाल यांना तिहार तुरुंगात नेण्याची तयारी सुरू करण्यात आली आहे. त्यांना तिहारमधील कोणत्या तुरुंगाती कोणत्या बराकीत ठेवलं जाणार यावर ईडीचे अधिकारी, तुरुंग व्यवस्थापन आणि इतर वरिष्ठ अधिकाऱ्यांमध्ये चर्चा चालू आहे. तिहारमध्ये एकूण ९ तुरुंग आहेत. या ९ तुरुंगांमध्ये सध्या एकूण १२,००० कैदी शिक्षा भोगत आहेत.