अफगाणिस्तानमधील तालिबान-शासित सरकारने दावा केला आहे की इस्लामिक स्टेटच्या किमान ६०० सदस्यांना देशभरात गेल्या तीन महिन्यांत अटक करण्यात आली आहे, तसेच अटक केलेल्यांमध्ये काही दहशतवादी संघटनेच्या प्रमुख सदस्यांचा समावेश आहे. बुधवारी एका पत्रकार परिषदेला संबोधित करताना, गुप्तचर विभागाचे प्रवक्ते खलील हमराज यांनी सांगितले की, अटक करण्यात आलेले आयएस दहशतवादी विध्वंसक कृत्यांमध्ये आणि हत्यांमध्ये सामील होते. हिंदुस्तान टाइम्सने याविषयी सविस्तर वृत्त दिलं आहे.या वर्षी ऑगस्टमध्ये तालिबानने अफगाणिस्तानचा ताबा घेतल्यापासून, इस्लामिक स्टेटने युद्धग्रस्त देशात अनेक हल्ल्यांची जबाबदारी स्वीकारली आहे. नुकतंच २ नोव्हेंबर रोजी दहशतवादी संघटनेचा हल्ला झाला होता जेव्हा त्यांच्या सैनिकांनी राजधानी काबूल शहरातील लष्करी रुग्णालयावर हल्ला केला. यात २५ लोक ठार आणि ५० हून अधिक जखमी झाले. मृतांमध्ये काबूल मिलिटरी कॉर्प्सचे प्रमुख आणि एक वरिष्ठ मौलवी हमदुल्ला मुखलिस यांचा समावेश आहे. तालिबानमधील कमांडर, तथाकथित इस्लामिक अमिरातीच्या अधिकाऱ्यांनी सांगितले. ऑक्टोबरमध्ये, इस्लामिक स्टेटने इशारा दिली की शिया मुस्लीम धोकादायक आहेत आणि त्यांना सर्वत्र लक्ष्य केले जाईल.तालिबानचे मुख्य प्रवक्ते जबिहुल्ला मुजाहिद, जे बुधवारच्या पत्रकार परिषदेत देखील उपस्थित होते, म्हणाले की इस्लामिक राज्याला सध्या फारसा धोका नाही आणि अनेक प्रांतांमध्ये त्यांची २१ अभयारण्ये नष्ट करण्यात आली आहेत. टोलो न्यूजच्या वृत्तानुसार मुजाहिदने पत्रकारांना सांगितले की, “दाएश (आयएस) चे समूळ उच्चाटन करण्यासाठी आमचे प्रयत्न सुरू आहेत परंतु धमक्या मोठ्या प्रमाणात कमी झाल्या आहेत". “ते अफगाणिस्तानात फारसे नाहीत, कारण त्यांना लोकांचा पाठिंबा नाही,” असे तालिबानचे मुख्य प्रवक्ते पुढे म्हणाले.
