scorecardresearch

Premium

बालासोरमध्ये अश्विनी वैष्णव यांनी जोडले रेल्वेसमोर हात; Video व्हायरल! देवेंद्र फडणवीस म्हणतात, “तुमच्यासारखे…”

देवेंद्र फडणवीस म्हणतात, “अश्विनीजी, तुम्ही अगदी शब्दश: तिथे या सगळ्या कोलाहलात उभे राहिलात. तिथल्या प्रत्येक सदस्याला सोबत केलीत. तिथे…!”

ashwini vaishnav at balasore train accident site
अश्विनी वैष्णव यांचा 'तो' व्हिडीओ ट्वीट करून फडणवीसांनी केलं कौतुक! (फोटो – लोकसत्ता ग्राफिक्स टीम)

जवळपास ४८ तासांहून अधिक काळ वाहतूक खोळंबल्यानंतर अखेर रविवारी रात्री उशीरा ओडिशाच्या बालासोर रेल्वे स्थानकावरू वाहतूक सुरू करण्यात आली. यावेळी केंद्रीय रेल्वेमंत्री अश्विनी वैष्णव हेही उपस्थित होते. एकीकडे ओडिशामध्ये झालेल्या अपघातासाठी विरोधकांकडून केंद्र सरकारला जबाबदार धरलं जात असताना रेल्वेमंत्री अश्विनी वैष्णव यांच्या राजीनाम्याची मागणी केली जात आहे. तर दुसरीकडे अश्विनी वैष्णव यांचा रेल्वेसमोर हात जोडलेला फोटो व्हायरल होत आहे. खुद्द वैष्णव यांच्या ट्विटर हँडलवरून बालासोर रेल्वे स्थानकावरू डाऊन लाईनवरची वाहतूक सुरू झाल्याचा व्हिडीओ ट्वीट करण्यात आला आहे. या ट्वीटवर प्रतिक्रिया देताना देवेंद्र फडणवीसांनी त्यांचं कौतुक केलं आहे.

बालासोरमध्ये शुक्रवारी संध्याकाळी ७ च्या सुमारास झालेल्या भीषण तिहेरी रेल्वे अपघातामध्ये तब्बल २८८ प्रवासांना आपले प्राण गमवावे लागले आहेत. याशिवाय शेकडो जखमींवर रुग्णालयांत उपचार चालू आहेत. या पार्श्वभूमीवर अपघाताच्या कारणांची चौकशी केली जात असून यामागे तांत्रिक बिघाड की मानवी बेजबाबदारपणा आहे, याचा तपास केला जात आहे. या सर्व पार्श्वभूमीवर विरोधकांकडून अश्विनी वैष्णव यांच्या राजीनाम्याची मागणी केली जात असतानाच त्यांचा हा व्हिडीओ आणि यावेळचे फोटो व्हायरल होत आहेत.

manoj jarnage patil
“बाकीचं नंतर बघू, आधी माझ्या किडन्या तपासा”, मनोज जरांगेंच्या किडनीचा नेमका घोळ काय?
Actor Vijay Antony reacts on Daughter Meera suicide
“मी तिच्याबरोबर मेलो,” १६ वर्षीय मुलीच्या आत्महत्येनंतर अभिनेत्याची भावुक पोस्ट; म्हणाला, “जिथे जात, धर्म, पैसा…”
tanushree dutta on rakhi sawant
“तिने पाच लग्नं केलीत, पण…” तनुश्री दत्ताची राखी सावंतवर टीका; म्हणाली, “तिला पुरुष…”
ramdas kadam on uddhav thackeray aaditya
“आदित्यसाहेब आणि त्यांचा बाप…”, रामदास कदमांची टीका; म्हणाले, “…आता दोघंही पळतायत!”

दोन दिवसांनंतर सुरू झाली वाहतूक

रविवारी रात्री उशीरा ओडिशाच्या बालासोर या रेल्वे स्थानकावरून रेल्वेवाहतूक सुरू झाली. यावेळी खुद्द केंद्रीय रेल्वेमंत्री अश्विनी वैष्णव हेही उपस्थित होते. यावेळी रेल्वे स्थानकावरून डाऊन लाईनवरून निघालेल्या रेल्वेसमोर अश्विनी वैष्णव यांनी हात जोडलेला फोटो व्हायरल झाला आहे. या प्रसंगाचा व्हिडीओ अश्विनी वैष्णव यांनी ट्वीट केला आहे.

“डाऊन लाईनवरचं दुरुस्तीकाम पूर्ण झालं. या लाईनवरून पहिली ट्रेन निघाली”, असं ट्वीट या व्हिडीओवर वैष्णव यांनी केलं आहे.

ओडिशा रेल्वे अपघाताला धार्मिक रंग देण्याचा प्रयत्न; पोलिसांनी दिली सक्त ताकीद; म्हणाले, “कठोर कारवाई होईल!”

देवेंद्र फडणवीसांची स्तुतिसुमनं!

दरम्यान, अश्विनी वैष्णव यांच्या ट्वीटवर प्रतिक्रिया देताना महाराष्ट्राचे उपमुख्यमंत्री देवेंद्र फडणवीसांनी त्यांच्यावर स्तुतिसुमनं उधळली आहेत. “अश्विनीजी, तुम्ही अगदी शब्दश: तिथे या सगळ्या कोलाहलात उभे राहिलात. तिथल्या प्रत्येक सदस्याला सोबत केलीत. तिथे रेल्वे वाहतूक पूर्ववत होईपर्यंत तुम्ही तिथे थांबलात. हे अतिशय उल्लेखनीय आणि प्रेरणादायी आहे. तुमच्यासारखे नेते लोकांना सेवा देत आहेत आणि त्यांचं नेतृत्व पंतप्रधान नरेंद्र मोदी करत आहेत हे देशाचं भाग्य आहे”, असं आपल्या ट्वीटमध्ये देवेंद्र फडणवीसांनी म्हटलं आहे.

दरम्यान, या अपघाताची सध्या सविस्तर चौकशी चालू असून आता त्याची सीबीआयकडून चौकशी केली जावी, अशी मागणी केली जात आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 05-06-2023 at 09:44 IST

संबंधित बातम्या

गणेश उत्सव २०२३ ×