बांगलादेशमध्ये दुर्गा पूजेच्या मंडपात कुराण ठेवणाऱ्या व्यक्तीची ओळख पटली; सीसीटीव्ही फुटेज पोलिसांच्या हाती

एका व्यक्तीने कुराण दुर्गा पूजा मंडपामध्ये नेले आणि ठेवले होते जे हिंसाचाराचे कारण बनले.

Bangladesh comilla quran durga puja pandal attack accused identified police
बांगलादेशमधील पोलिसांनी मिळवलेल्या सीसीटीव्ही फुटेज सौजन्य- ट्विटर

बांगलादेशातील दुर्गा पूजा मंडपावरील हल्ल्यात किमान तीन जणांना आपला जीव गमवावा लागला. आता बांगलादेशच्या कोमिला पोलिसांनी उघड केले आहे की हिंसा भडकवण्यास जबाबदार असलेल्या व्यक्तीची ओळख पटली आहे. पोलिसांनी सांगितले की, एका व्यक्तीने कुराण दुर्गा पूजा मंडपामध्ये नेले आणि ठेवले होते जे हिंसाचाराचे कारण बनले. पोलिसांनी सांगितले की, या प्रकरणी ३५ वर्षीय इक्बाल हुसेनची चौकशी केली जात आहे, ज्याने ही कृत्य केले आहे. आरोपी इक्बाल मानसिकदृष्ट्या स्वस्थ नसल्याचे सांगितले जात आहे

पोलिसांनी सांगितले की, कुमिला जिल्ह्यातील सुजानगर येथील रहिवासी हुसेन यांने १३ ऑक्टोबर रोजी नानूआ दिघीच्या पूजा मंडपात कुराणची प्रत ठेवली होती. एका वरिष्ठ पोलीस अधिकाऱ्याने सांगितले की, गुरुवारी तपासादरम्यान इक्बालचा या घटनेतील सहभाग उघडकीस आला. बांगलादेशातील पोलिसांनी मंडपामध्ये लावलेल्या कॅमेऱ्यांमधून मिळालेल्या सीसीटीव्ही फुटेजचे विश्लेषण केल्यानंतर हिंसाचारात इक्बाल हुसेनचा सहभाग उघड केला.

पोलिसांनी मिळवलेल्या सीसीटीव्ही फुटेजमध्ये स्पष्टपणे पाहिले जाऊ शकते की इक्बाल कुराणची एक प्रत मशिदीतून दुर्गा पूजेच्या ठिकाणी नेतो. नंतर तो भगवान हनुमानाच्या मूर्तीजवळ जाताना दिसला.

कोमिलाचे पोलीस अधीक्षक फारूक अहमद यांनी असेही सांगितले की, आरोपी इक्बाल हुसेन हा भटक्या असून त्याला अद्याप ताब्यात घेण्यात आलेले नाही.  शहरातील दुर्गापूजा पंडल येथे झालेल्या हिंसाचाराप्रकरणी कोमिला पोलिसांनी चार गुन्हे दाखल केले आहेत आणि ४१ जणांना अटक केली आहे. अटक करण्यात आलेल्यांपैकी चार जण इक्बाल हुसेनचे सहकारी आहेत.

इक्बालची आई अमिना बेगमने ढाका ट्रिब्यूनला सांगितले की, तो ड्रग अॅडिक्ट आहे. सुमारे १० वर्षांपूर्वी काही शेजाऱ्यांनी त्याच्या पोटात भोसकल्यानंतर तो मानसिकरित्या अस्थिर आहे. गेल्या आठवड्यात कुमिल्यातील ननुआ दिघीर येथील दुर्गा पूजा मंडपामध्ये कुराणची प्रत सापडल्यानंतर जातीय तणावामुळे किमान तीन लोकांचा मृत्यू झाला होता.

बांगलादेश हिंदू एकता परिषदेने एका निवेदनात म्हटले आहे की, कुराणचा अपमान केल्याच्या अफवा स्थानिकांमध्ये पसरल्यानंतर कोमिलाच्या ननुआ दिघी येथील पूजा मंडपावर हल्ला करण्यात आला होता. पेकुआच्या मंदिरांमधून देखील अहवाल देण्यात आला.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Bangladesh comilla quran durga puja pandal attack accused identified police abn

ताज्या बातम्या