बांगलादेशमध्ये हिंसाचार सुरुच; रोहिंग्या निर्वासितांच्या शिबिरावर केलेल्या गोळीबारात सात जणांचा मृत्यू

रोहिंग्या निर्वासित शिबिरात असलेल्या मदरशात हा हल्ला झाला, जिथे अज्ञात हल्लेखोरांनी गोळीबार केला.

Bangladesh seven killed rohingya refugee camp shooting
(AP Photo/Manish Swarup)

बांगलादेशातील रोहिंग्यांवर शुक्रवारी झालेल्या गोळीबारात सात जण ठार झाल्याचे वृत्त आहे. वृत्तसंस्था एएफपीने बांगलादेश पोलिसांच्या हवाल्याने ही माहिती दिली. बांगलादेशचे आघाडीचे वृत्तपत्र ढाका ट्रिब्यूनने दिलेल्या माहितीनुसार, रोहिंग्या निर्वासित शिबिरात असलेल्या मदरशात हा हल्ला झाला, जिथे अज्ञात हल्लेखोरांनी गोळीबार केला. या गोळीबारात चार जणांचा जागीच मृत्यू झाला. तर तीन जणांचा रुग्णालयात उपचारादरम्यान मृत्यू झाला.

सुरक्षा दलाच्या अधिकाऱ्याने सांगितले की, उखिया येथील कॅम्प क्रमांक १८ च्या ब्लॉक एच -५२ मधील मदरशावर अज्ञात व्यक्तींनी पहाटे चार वाजता हल्ला केला. यापूर्वी या हल्ल्याचे वर्णन दोन प्रतिस्पर्धी रोहिंग्या गटांमधील संघर्ष म्हणून करण्यात आले होते.

उखियाचे एसपी शिहाब कैसर यांनी स्थानिक माध्यमांना याबाबत माहिती दिली आहे. हल्ल्यानंतर लगेचच चार लोकांचा मृत्यू झाला. काही वेळातच पोलीस घटनास्थळी पोहोचले आणि लोकांना रुग्णालयात नेले. येथे तीन लोकांचा उपचारादरम्यान मृत्यू झाला. पोलिसांनी एका हल्लेखोराला बंदूक आणि दारूगोळ्यासह अटक केली आहे. याशिवाय इतर आरोपींना पकडण्यासाठी छावणीत छापे टाकण्यात येत आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Bangladesh seven killed rohingya refugee camp shooting abn

Next Story
शांत व आरोग्यदायी झोपेसाठी सेंद्रिय बिछाना
ताज्या बातम्या