LPG Cylinder Stolen From Home: या घटनेचा सीसीटीव्ही व्हिडिओ समोर आला असून, त्यामध्ये दोन पुरुष स्कूटरवरून घराजवळ येताना दिसत आहेत. दोघांनीही हेल्मेट घातल्यामुळे त्यांची ओळख पटणे कठीण झाले आहे. व्हिडिओनुसार, त्यापैकी एक जण स्कूटरवरून उतरून घराच्या परिसरात शिरतो, तर दुसरा बाहेर रस्त्यावरच थांबून नजर ठेवतो. काही मिनिटांनंतर आत गेलेला व्यक्ती दोन एलपीजी सिलिंडर घेऊन बाहेर येतो आणि ते स्कूटरवर ठेवून दोघेही तेथून पसार होतात.
नागरिकांमध्ये भीतीचे वातावरण
विशेष म्हणजे, ही घटना राज्यात उगादी सण साजरा होत असतानाच घडली आहे. सणाच्या पार्श्वभूमीवर घराघरांत गॅसची मागणी वाढलेली असताना अशा प्रकारची चोरी घडल्याने नागरिकांमध्ये भीतीचे वातावरण निर्माण झाले आहे. पोलिसांनी या प्रकरणाचा तपास सुरू केला असून सीसीटीव्ही फुटेजच्या आधारे आरोपींचा शोध घेण्याचे प्रयत्न सुरू आहेत. मात्र, अद्याप त्यांना अटक करण्यात यश आलेले नाही.
इंडक्शनची खरेदी जोरात
दरम्यान, मध्यपूर्वेतील सुरू असलेल्या तणावपूर्ण परिस्थितीमुळे गॅस पुरवठ्यावर परिणाम होण्याची शक्यता वर्तवली जात आहे. त्यामुळे अनेक नागरिकांनी एलपीजीच्या तुटवड्याची भीती व्यक्त केली आहे. काही ठिकाणी पर्यायी उपाय म्हणून इंडक्शनची खरेदी मोठ्या प्रमाणात वाढल्याचेही दिसून आले असून, काही ऑनलाइन प्लॅटफॉर्मवर ही उपकरणे तात्पुरती संपल्याची माहिती आहे. या सर्व पार्श्वभूमीवर गॅस पुरवठा आणि सुरक्षेच्या दृष्टीने प्रशासनाने अधिक सतर्कता बाळगण्याची गरज व्यक्त केली जात आहे.
गेल्या २४ तासांत क्रूड ऑईल (कच्चे तेल) वाहतूक ठप्प झालेली असतानाही, भारतीय ध्वज असलेली दोन एलपीजी (द्रवरूप पेट्रोलियम गॅस) टँकर्स येत्या काही दिवसांत ‘हॉर्मुझची सामुद्रधुनी’ पार करण्याच्या तयारीत असल्याचे वृत्त रॉयटर्सने दिले आहे. शिपिंग डेटा आणि व्यापारी सूत्रांनुसार, प्रादेशिक तणावामुळे शेकडो जहाजे अडकली असताना ही दोन जहाजे थोड्या विश्रांतीनंतर आपला प्रवास पुन्हा सुरू करणार आहेत. जागतिक तेल वाहतुकीसाठी अत्यंत महत्त्वाची असलेली हॉर्मुझची सामुद्रधुनी सध्या विस्कळीत झाली आहे, कारण इराणने आखातातून बाहेर पडणाऱ्या जहाजांना लक्ष्य करण्याचा इशारा दिला आहे. जगातील एकूण तेल आणि नैसर्गिक वायू पुरवठ्यापैकी सुमारे २० टक्के पुरवठा याच अरुंद मार्गावरून होतो.
