“फादर आणि चादरवाल्यांपासून हिंदूंनी दूर रहा”; भोपाळमध्ये भाजपा आमदाराचे वक्तव्य

गुड मॉर्निंग म्हणणे थांबवा असेही भाजपा आमदाराने म्हटले आहे.

Bhopal bjp mla rameshwar Sharma urges hindus stay away from father and chader

मध्य प्रदेशात भोपाळचे आमदार रामेश्वर शर्मा यांनी त्यांच्या एका भाषणाने नवा वाद निर्माण केला आहे. या भाषणात रामेश्वर शर्मा हिंदूंना फादर आणि चादरपासून दूर राहण्याचा सल्ला देत आहेत. भोपाळमध्ये दसरा कार्यक्रमाला संबोधित करताना आमदार शर्मा यांनी हे वक्तव्य केले आहे. रामेश्वर शर्मा यांनी आपल्या ट्विटर हँडलवरून या भाषणाचा व्हिडिओही ट्विट केला आहे.

मध्य प्रदेशच्या भोपाळमध्ये झालेल्या भाषणामुळे नवा वाद निर्माण होण्याची शक्यता आहे. रामेश्वर शर्मा यांनी हिंदूंना ‘फादर’ आणि ‘चादर’ पासून दूर राहण्याचा सल्ला दिला.

भोपाळमध्ये आयोजित दसरा कार्यक्रमाला संबोधित करताना शर्मा यांनी हे वक्तव्य केले आहे. “फादर आणि चादरपासून हिंदूंनी दूर राहा, अन्यथा ते तुमचा नाश करतील. पीरांची पूजा करणाऱ्यांना सांगा की तुम्हाला जमिनीवर दफन करण्यावर विश्वास आहे, आम्ही जग चालवणाऱ्यावर विश्वास ठेवतो, जो बजरंग बली आहे. आपल्या संस्कृतीची काळजी घ्या आणि गुड मॉर्निंग म्हणणे थांबवा. सकाळी उठून श्लोक वाचा आणि पृथ्वीचे आभार माना जी आम्हाला खूप काही देते, असे शर्मा यांनी म्हटले आहे.

आमदार रामेश्वर शर्मा यांच्या या वादग्रस्त भाषणावर प्रतिक्रिया व्यक्त करत विरोधी नेत्यांनी अल्पसंख्याकांचा अपमान केल्याबद्दल त्यांच्यावर कारवाईची मागणी केली आहे. मध्य प्रदेश काँग्रेस कमिटीचे प्रवक्ते अजय यादव म्हणाले की, रामेश्वर शर्मा यांनी अल्पसंख्याक समुदायाचा अपमान केला आहे. भाजपeच्या वरिष्ठ नेत्यांनीही असे वाटते का याचा खुलासा करावा. जर त्यांना तसे वाटत नसेल तर शर्मा यांच्यावर कारवाई झाली पाहिजे, कारण शर्मा अशा गोष्टी सांगून विविध समाजांमध्ये वाद निर्माण करत आहेत.”

दरम्यान, भाजपा नेत्यांनी हे शर्मा यांचे वैयक्तिक मत म्हटले आहे. मध्य प्रदेश भाजपाचे प्रवक्ते रजनीश अग्रवाल म्हणाले की, “हे आमदार रामेश्वर शर्मा यांचे वैयक्तिक विचार आहेत. तो फक्त लोकांना धर्मांतराविरुद्ध चेतावणी देत ​​होते. त्यांनी कोणत्याही समाजाचा अपमान केलेला नाही.”

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Bhopal bjp mla rameshwar sharma urges hindus stay away from father and chader abn

ताज्या बातम्या