गुजरातमध्ये मांसाहारी स्टॉल हटवण्याच्या निर्णयामुळे विक्रेते अडचणीत; मुख्यमंत्री पटेल स्पष्टीकरण देत म्हणाले, “भाजपा सरकार…”

शाळा, महाविद्यालये, धार्मिक स्थळांपासून दूर झालेल्या रस्त्यावरील खाद्यपदार्थांच्या स्टॉलधारकांना आता आपली रोजीरोटी गमवावी लागण्याची भीती आहे.

गुजरातच्या अहमदाबादमधील सार्वजनिक रस्त्यांवरील मांसाहारी खाद्यपदार्थांच्या स्टॉलवर बंदी घालण्याच्या हालचालीमुळे रस्त्यावरील विक्रेत्यांना अडचणीत आणले आहे. शाळा, महाविद्यालये, धार्मिक स्थळांपासून दूर झालेल्या रस्त्यावरील खाद्यपदार्थांच्या स्टॉलधारकांना आता आपली रोजीरोटी गमवावी लागण्याची भीती आहे. शहरातील हॉटेल्स आणि रेस्टॉरंटमध्ये मांसाहाराला विक्रीची परवानगी असताना आमच्यावरच कारवाई का, असा प्रश्न स्टॉल मालकांनी उपस्थित केले आहेत.

या निर्णयावर गुजरातचे मुख्यमंत्री भूपेंद्र पटेल यांनी स्पष्टीकरण दिलंय. “राज्य सरकारला लोकांच्या विविध खाद्यपदार्थांच्या सवयींबद्दल कोणतीही अडचण नाही. केवळ स्वच्छता आणि लोकांना येणाऱ्या अडचणी लक्षात घेऊन हा निर्णय घेण्यात आला आहे. काही लोक शाकाहारी पदार्थ खातात, काही लोक मांसाहार खातात, भाजपा सरकारला त्याचा काहीही त्रास नाही. खाद्यपदार्थांच्या गाड्यांमधून विकले जाणारे अन्न अस्वच्छ आणि नागरिकांसाठी हानीकारक नसावे, या काळजीपोटी रस्त्यावरून विशिष्ट स्टॉल हटविण्याची मागणी करण्यात आली आहे,” असे पटेल म्हणाले.

अहमदाबाद महानगरपालिकेने सार्वजनिक रस्त्यावरून आणि शाळा आणि धार्मिक स्थळांपासून १०० मीटर अंतरावरील मांसाहारी पदार्थांचे स्टॉल हटवण्याचा निर्णय घेतला आहे. भाजपाच्या स्थानिक नेत्यांनी गुजरातमधील विविध शहरांतील रस्त्यांवरून मांसाहारी खाद्यपदार्थांच्या गाड्या हटवण्याची मागणी केल्याच्या पार्श्वभूमीवर ही कारवाई करण्यात आली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Bhupendra patel reaction on non veg food stall ban hrc

Next Story
बराक ओबामा यांची रोम्नींवर टीका